હોળીનો તહેવાર ગુજીયા વિના અધૂરો ગણાય છે. હોળીના તહેવારે બંગાળમાં ખાસ કરીને ગુજીયા બનાવવામાં આવે છે. આ કારણે પરંપરા અનુસાર અનેક દેશોમાં આ સ્વીટ બનાવવામાં આવે છે. તે ખાસ કરીને દિવાળીમાં બનતા ઘૂઘરા જેવી હોય છે. આજે અહીં ગુજીયાની સરળ રેસિપિ આપવામાં આવી છે. તો તમે પણ બનાવી લો આ પરંપરાગત મીઠાઈ.
ગુજિયા
સામગ્રી
અઢીસો ગ્રામ મેંદો
સો ગ્રામ માવો
અઢીસો ગ્રામ ખાંડ
સો ગ્રામ ઘી
પચાસ ગ્રામ દળેલી ખાંડ
પચાસ ગ્રામ અંજીર-બદામ-પિસ્તા
કાજુની કતરી
વરખ
તળવા માટે ઘી
રીત
મેંદાના લોટમાં ઘી ગરમ કરી નાંખો. પુરી જેવો લોટ બાંધો. ઘી મૂકી માવો શેકો. અંજીરનાં ટુકડા કરી ક્રશ કરી નાંખો. દળેલી ખાંડ, કાજૂ-બદામ-પિસ્તા મિક્સ કરો. મેંદાના લોટમાંથી નાની પુરી વણી ઉપરનું પુરણ ભરો. ફરી એક પુરી મૂકી મેંદાની લઇથી ચોંટાડો. શેપ આપી (દિવા જેવો, સ્ટાર જેવો) ગરમ ઘીમાં તળો. એક વાસણમાં ખાંડ લઇ ચાસણી બનાવો. તેમાં બોળી વરખ, પિસ્તા-બદામ, કાજુની કતરી છાંટો.