શ્રાવણ મહિનો આવે એટલે તહેવારોની સીઝન પૂર જોશમાં શરૂ થઈ જાય. રક્ષાબંધનનો તહેવાર અને બોળ ચોથનો ઉત્સવ પૂરો થયો ત્યાં આવતીકાલે રાંધણ છઠ્ઠ. આખો દિવસ ગૃહિણીઓ રસોઈમાં રહે. કારણ સાતમે રાંધવાની રજા મળશે. પરંપરા અનુસાર ગૃહિણીઓ આ દિવસે રસોઈમાં નીતનવું બનાવતી જ રહે છે. જો તમે પણ સાતમ કરવાના હોવ તો કાલે તમારા રસોડામાં આ 7 ચીજો અચૂક બનાવી લો. તે તમને સાતમના દિવસે આખો દિવસ સ્ટેમિના પૂરો પાડશે. થોડું શાક, થોડો નાસ્તો અને થોડું કંઈક ગળ્યું. તો માણી લો પરંપરાગત આ ગુજરાતી વાનગીઓ અને ઉજવો તહેવાર.
આવતીકાલે ઉજવાશે રાંધણ છઠ્ઠ
ઘરે બનાવી લો આ ટ્રેડિશનલ ગુજરાતી વાનગીઓ
આખો દિવસ મળી રહેશે સ્ટેમિના અને રહેશો હેલ્ધી
ગુજરાતીનું ઘર હોય એટલે સાતમ તો શું થેપલા કોઈ પણ સમયે મળી જ જાય. તો પ્લાન કરી લો આ ટેસ્ટી થેપલાનો.
શાકના નખરાં ન ઉઠાવવા પડે તેવી મસ્ત ટેસ્ટી અને હેલ્ધી ટ્રેડિશનલ રેસિપી. ફટાફટ તૈયાર કરી લો આ હાંડવો જે આપશે સાતમે મજા.
ઠંડા પણ ફટાફટ ખવાઈ જાય તેવા રાઈ તેલ અને લીમડાના વઘારની સુગંધીથી ભરેલા મસ્ત દૂધીના મૂઠિયાનો સ્વાદ તો કેમ છોડી દેવાય...તો બનાવી લો આ ખાસ મૂઠિયા પણ.
ખાસ કરીને દિવાળીના તહેવારે મહેમાનો માટે બનતી આ ખાસ ટેસ્ટી ફરસી પૂરી. તેમાંથી આવતો મરીનો સ્વાદ અને ક્રિસ્પી પૂરી હવે તમે પણ ભૂખ લાગે ત્યારે ખાઈ શકશો. તો બનાવી લો આ ખાસ પૂરી.
અરે, નામ સાંભળતા જ મોઢામાં પાણી આવી ગયું. ચિંતા ના કરો. કાલે તમારું ઘર તેની સુગંધથી મહેકી ઉઠશે અને પછી તમે તેનો સ્વાદ પણ માણી શકશો. ટ્રેડિશનલ સુખડીની મજા જ અલગ હોય છે.
નાસ્તા અને સ્વીટ ડિશ બાદ વારો આવે થેપલાના સાથીદારનો. તો તમે બનાવી લો આ ભરેલા મરચાં. સ્વાદમાં તો ટેસ્ટી હોય જ છે સાથે તેને ઠંડા ખાવામાં પણ વાંધો આવતો નથી. તે થેપલા સાથે સરળતાથી ખાઈ શકાય છે.
હંમેશા આ કારેલાનું શાક લોકોનું અપ્રિય રહ્યું છે, પરંતુ આ ખાસ દિવસે આ શાક મોટાભાગના ઘરોમાં બનતું હોય છે. વડીલો આ શાકની મજા લેતા હોય છે. જો તમને ન ભાવે તો ચિંતા ના કરશો તમારા માટે અન્ય વાનગીઓ તો છે જ. જેનાથી તમારું પેટ સરળતાથી ભરાઈ જશે. તો બનાવી લો આ ખાસ કારેલાનું શાક.