ખાંડવી એવું ગુજરાતી ફરસાણ છે જે નાના હોય કે મોટા, બધાંને ખૂબ જ ભાવતી હોય છે. પરંતુ ઘણાં લોકો માને છે કે, ખાંડવી બનાવવી ખૂબ જ અઘરી છે અને એટલે જ તેઓ ઘરે ખાંડવી બનાવતા નથી અને જે લોકો બનાવે છે તેમનાથી બરાબર બનતી નથી. ખાંડવી બનાવવી એકદમ સરળ છે, જો તમને તેને બનાવવાની પરફેક્ટ રીત, માપ અને ટિપ્સ અને ટ્રિક્સ ખબર હોય અને એ જ આજે અમે તમારા માટે લઈને આવ્યા છીએ. તો ચોક્કસથી ઘરે અમારી જણાવેલી રીતથી ખાંડવી બનાવજો.
આ ગુજરાતીનું ફેમસ ફરસાણ છે અને તે 10થી 12 જ મિનિટમાં બની જશે. સૌથી પહેલાં એક બાઉલમાં બેસન લઈ લો. પછી તેમાં દહીં લેવું. દહીં થોડું ખાટું લેવું. પછી તેમાં પાણી એડ કરવું. પછી તેમાં હીંગ, હળદર, મરચાંની પેસ્ટ, હીંગ, તેલ લઈને હેન્ડ બ્લેન્ડરથી બધું બરાબર મિક્સ કરી લેવું. તમે હાથથી પણ મિક્સ કરી શકો છો. તેનું પાતળું ખીરું તૈયાર થશે. પછી એક અન્ય કડાઈ ગરમ કરી સ્લો ગેસ પર આ ખીરું તેમાં નાખવું અને સતત તેને હલાવતા રહેવું. તેની થિકનેસ ભજીયાના બેટરથી થોડી પાતળી રહે એટલે ગેસ બંધ કરી દો. આ ખીરું થિક થતાં 10 મિનિટ થઈ છે. પછી તેને એક ડિશની પાછળ લઈને સ્પ્રેડ કરીને ચેક કરો. જો બરાબર સ્મૂથલી સ્પ્રેડ થાય અને હાથમાં ના ચોંટે તો સમજો ખીરું તૈયાર છે. પછી તેને તેલથી ગ્રિસ કરેલી થાળીના પાછળના ભાગ પર થોડું 3-4 ચમચી જેટલું ખીરું લઈને ગરમ ગરમ સ્પીડમાં સ્પ્રેડ કરો. બને એટલું પાતળું સ્પ્રેડ કરો. પછી ઠંડુ થાય એટલે તેના કટ કરીને ધીરે ધીરે તેના રોલ બનાવી લેવા. પછી તેને એક પ્લેટમાં લઈ લો.
વઘાર માટે
એક કડાઈમાં તેલ ગરમ કરી તેમાં રઈ, હીંગ, તલ, લીલાં મરચાં, લાલ આખા મરચાં, લીમડાના પાન લઈને તેને પ્લેટમાં રાખેલી ખાંડવી પર વઘાર રેડી દેવો. બસ તૈયાર છે તમારી ડિલિશિયસ ખાંડવી. તમે ઉપરથી કોથમીર પણ નાખી શકો છો.