વાળ ખરવાની સમસ્યાથી અત્યારે બધાં જ પરેશાન છે. લોકો મોંઘા શેમ્પૂ, તેલ અને હેર પ્રોડક્ટ્સનો ઉપયોગ કરીને પણ આ સમસ્યાને ખતમ નથી કરી શકી રહ્યાં. એવામાં વાળ માટે સૌથી બેસ્ટ ઘરેલૂ ઉપાયો જ છે. તેનાથી વાળને કોઈ નુકસાન પણ નથી થતું અને સસ્તામાં રિઝલ્ટ પણ મળે છે. જેથી આજે અમે તમને વાળ ખરવાની સમસ્યા માટે એક સચોટ ઉપાય જણાવી રહ્યાં છે. જેને તમે ઘરે જ બનાવીને એપ્લાય કરી શકો છો. ચાલો જાણી લો.
ખરતાં વાળની સમસ્યાને જડમૂળથી ખતમ કરવા માટે એક કાંચની સ્પ્રે બોટલમાં જોજોબા ઓઈલ, એવોકાડો ઓઈલ, દ્રાક્ષનું ઓઈલ અને આર્ગન ઓઈલ લઈને બરાબર મિક્સ કરી લો. બસ હવે તૈયાર છે વાળ માટેનું મેજિકલ હેર સીરમ. જ્યારે પણ આ સીરમનો ઉપયોગ કરો ત્યારે એકવાર બોટલને હલાવી લો.
આ રીતે લગાવો
આ મેજિકલ હેર સીરમ લગાવતા પહેલાં વાળને સરખી રીતે ધોઈ લેવા. હેર વોશ કર્યાં બાદ જ આ સીરમનો ઉપયોગ કરો. વાળ ધોયા બાદ થોડાં ભીના વાળમાં આ સીરમ સ્પ્રે કરી દો અથવા તો તમારા હાથમાં સ્પ્રે કરીને હળવા હાથે વાળમાં લગાવી લો. ત્યારબાદ હેર કોમ્બ કરી લો. આને લગાવ્યા બાદ વાળ સિલ્કી, શાઈની અને સ્મૂધ બનશે. વાળનું ટેક્સચર સારું થશે. વાળ તૂટશે નહીં અને ખરવાની સમસ્યા પણ ધીરે ધીરે દૂર થવા લાગશે.