રેસિપી / લોકડાઉનમાં શાક ન હોય તો 5 જ મિનિટમાં બનાવો આ ટેસ્ટી શાકની રેસિપી, આંગળા ચાટતા રહી જશો

સામગ્રી

3 ચમચી દહીં
2 ચમચી તેલ
અડધી ચમચી રઈ
ચપટી જીરું
ચપટી હીંગ
અડધી ચમચી હળદર
1 ચમચી લાલ મરચું
અડધી ચમચી ધાણાજીરું
મીઠું સ્વાનુસાર
લીલાં મરચાં
કોથમીર
અડધો કપ ગાંઠિયા

રીત

સૌથી પહેલાં એક બાઉલમાં 3 ચમચી દહીં લઈ તેમાં 3 ચમચી પાણી ઉમેરી મિક્સ કરી લો. પછી કડાઈ ગરમ મૂકો અને તેમાં તેલ ઉમેરો. પછી તેમાં રઈ, જીરું, હીંગ, 2 સમારેલાં લીલાં મરચા, હળદર નાખી ગેસ બંધ કરી દો. પછી તેમાં દહીં નાખવું. પછી બધું બરાબર હલાવીને ગેસ ચાલુ કરી દેવું. પછી તેમાં લાલ મરચું પાઉડર, હળદર, ધાણાજીરુ, મીઠું નાખી મિશ્રણ ફાંસ ગેસ પર ગરમ કરી ઉકાળવો. 5 મિનિટ થયા બાદ તેમાં અડધી વાટકી જાડાં ગાઠિયા ઉમેરી દો. પછી ગેસ બંધ કરીને કોથમીર ભભરાવી દો. તેયાર છે ટેસ્ટી શાક.