તહેવાર / રાંધણ છઠમાં ઘરે બનાવો ઠેકૂઆ, બિહારની આ ડિશ છે હેલ્ધી અને સ્વાદિષ્ટ

ઠેકૂઆ એક સ્વાદિષ્ટ, ક્રિસ્પી અને ક્રંચી સ્વીટ ડિશ છે. આ ડિશ ખાસ કરીને બિહારમાં વધારે લોકપ્રિય છે. અહીં છઠના પ્રસાદમાં તેને બનાવવામાં આવે છે. ઠેકૂઆને ખજુરિયાના નામે પણ ઓળખવામાં આવે છે. આ ડિશ છઠ સિવાય પોટલોક કે કિટી પાર્ટીમાં પણ બનાવી શકાય છે. જો તમે તેને હેલ્ધી બનાવવા ઈચ્છો છો તો તમે ખાંડને બદલે શુગર ફ્રી પણ યૂઝ કરી શકો છો. આ મિઠાઈ લાંબા સમય સુધી સારી રહે છે. તો આ રાંધણ છઠ પર બનાવી લો આ ખાસ રેસિપી.

સામગ્રી

4 કપ ઘઉંનો લોટ
દોઢ કપ ગોળ
1 કપ નારિયેળ તેલ
તેલ કે ઘી શેકવા માટે
4 ચમચી લોટ 
10 નંગ એલચી

બનાવવાની રીત 

ગોળને નાના ટુકડામાં સુધારી લો. હવે અડધો કપ પાણીને ઉકાળો અને તેમાં ગોળને ઓગાળી લો. ગોળ ઓગળી જાય કે ઉતારીને પાણીને ગાળી લો. ગોળના પાણીમાં થોડું ઘી નાખી ઠંડું કરવા મુકો. ઈલાયચીને વાટીને પાવડર બનાવી લો. હવે એક બાઉલમાં લોટ, વાટેલી ઈલાયચીનો પાવડર અને છીણેલું નારિયેળ ઉમેરો. ગોળવાળા પાણીથી ખૂબ જ કડક લોટ બાંધી લો. હવે એના જાડી પૂરી જેવા ઠેકુઆ બનાવો.

તેલ ગરમ કરો અને સહેજ લોટ લઈ થોડો થોડો લોટ તોડતા હથેળી વડે લાંબા આકારના લૂઆ બનાવો અને સાંચા પર મુકીને અથવા હાથથી થોડા દબાવીને ડિઝાઈનમાં તૈયાર કરી લો. બધા ઠેકુઆ બનાવી લો. અને મધ્યમ ગરમ તેલમાં તળી લો. જ્યારે સોનેરી થઈ જાય તો તો તેને પેપર નેપકિન પર કાઢી લો. તૈયાર છે શીતળા સાતમમાં ખાવા માટેના ઠેકુઆ.

સાતમના દિવસે સવારે બપોરે કે સાંજે ગમે તે સમયે તમે આ ઠેકુઆને નાસ્તા તરીકે ઉપયોગમાં લઈ શકો છો. તે ટેસ્ટી હોવાની સાથે હેલ્ઘી હોવાથી તમને આરામ આપશે. ઝડપથી બની જતી ડિશ હોવાથી તમે રાહત અનુભવશો. તો રાહ ન જુઓ આ રાંધણ છઠના દિવસે ટ્રાય કરો આ નવી ડિશ.