Recipe / લાઈટ ભોજન માટે આ ખીચડી પરફેક્ટ છે, નહીં ચાખી હોય આજ પહેલા !

• આજે ટ્રાય કરો લાઈટ ખીચડીની મજા
• સ્વામિનારાયણ ખીચડીનો ટેસ્ટ આપશે મજા
• ગુજરાતી ઘરોની શાન ગણાય છે ખીચડી

 ખીચડીને આંતરા દિવસે નવા-નવા અવતાર સાથે તમે સર્વ કરી શકો એ માટે લાવ્યા છીએ સ્વામિનારાયણ ખીચડીની રેસિપી. તો તમે પણ આ સામાન્ય સામગ્રીની મદદથી આ ખાસ ખીચડીની મજા માણી શકો છો. તો કરી લો તૈયારી.

સ્વામિનારાયણ ખીચડી

 
સામગ્રી
 
-1 કપ ચોખા
-1/2 કપ તુવેર દાળ
-2 નંગ લવિંગ
-1 ટુકડો તજનો
-1/4 ટીસ્પૂન હળદર
-2 ટેબલસ્પૂન ઘી
-2 ટેબલસ્પૂન ફ્રેસ દહીં
-2 ટેબલસ્પૂન કોથમીર સમારેલી
-મીઠું સ્વાદાનુસાર
-1 મધ્યમ કદના બટાટા સમારેલા
-1 મધ્યક કદનું ટામેટું સમારેલું
-1/2 કપ મિક્ષ વેજિટેબલ(વટાણા, ગાજર, કેપ્સિકમ, રીંગણ વગેરે)
-1 ટીસ્પૂન આદું-મરચાંની પેસ્ટ
-1 ટીસ્પૂન રાઈ
-1/4 ટીસ્પૂન હળદર
-1 ટીસ્પૂન લાલ મરચું પાવડર
-2 ટેબલસ્પૂન ઘી
-મીઠું સ્વાદાનુસાર
 
રીત

 
સૌપ્રથમ તુવેરની દાળ અને ચોખાને ધોઈ લો. ત્યાર બાદ તેને 15 મિનિટ માટે પલાળી દો. હવે એક પેનમાં ઘી ગરમ કરો. ગરમ થાય એઠલે તેમાં રાઈ ઉમેરો. રાઈ ફૂટે એટલે તેમાં આદું-મરચાંની પેસ્ટ અને હળધર ઉમેરીને અડધી મિનિટ માટે સાંતળો. ત્યાર બાદ તેમાં બટાટા ઉમેરીને ફરીથી બરાબર મિક્સ કરીને સાંતળો. હવે તેમાં બાકીના શાકબાજી ઉમેરીને ફરીથી બરાબર મિક્સ કરી લો. અને એકાદ મિનિટ સાંતળ્યા બાદ ગેસ બંધ કરીને તેને ઢાંકીને એકબાજુ મૂકો. હવે એક પ્રેશર કૂકરમાં 2 ચમચી ઘી ગરમ કરો. ઘી ગરમ થાય એટલે તેમાં રાઈ ઉમેરો. રાઈ ફૂટે એટલે તેમાં લવિંગ, તજ અને હળદર ઉમેરીને બરાબર સાંતળો. અડધી મિનિટ સાંતળ્યા બાદ તેમાં તુવેર દાળ ઉમેરીને ફરીથી બરાબર મિક્સ કરીને સાંતળો. હવે તેમાં અડધો કપ પાણી અને મીઠું ઉમેરીને બરાબર મિક્સ કરીને ઉકળવા દો. પાણી ઉકળવા લાગે એટલે તેમાં ચોખા અને વઘાર કરેલા શાકભાજી ઉમેરીને બરાબર મિક્સ કરી લો. હવે તેમાં લાલ મરચું પાવડર અને ધાણા પાવડર ઉમેરીને બરાબર મિક્સ કરી લો. ત્યાર વબાદ તેમાં ચાર કપા પાણી ઉમેરીને એકવાર ફરી મિક્સ કરીને કૂકર બંધ કરી દો. બે સીટી વગાડો. કૂકર ઠંડુ થાય એટલે ખીચડીમાં દહીં ઉમેરીને બરાબર મિક્સ કરી લો. ત્યાર બાદ કોથમીરથી ગાર્નિશ કરીને ગરમા-ગરમ કઢી સાથે સર્વ કરો. આ ખીચડીને તમે એકલી પણ ખાઈ શકો છો. શિયાળાની સીઝનમાં તે મજા આપે છે.