કહેવાય છે કે ડુંગળી ખાવાથી અને સાથે રાખવાથી લૂ લાગતી નથી. હાલમાં ગરમી ખૂબ જ વધારે પડી રહી છે અને આ સમયે તેની સામે રક્ષણ મેળવવા માટે ઘરમાં રહીને પણ થાળીનો સ્વાદ વધારતી ડુંગળીની ચટણીની મજા કંઈક અલગ જ છે. તો ઘરે જ તૈયાર કરી લો આ મસ્ત મજાની ચટણી.
સામગ્રી
3 નંગ ડુંગળી
મીઠું સ્વાદ અનુસાર
પા ચમચી મરચું
પા ચમચી ધાણાજીરું
3 ચમચી ગોળ
રીત
સૌ પહેલાં ડુંગળીને છોલી લો. હવે તેને છીણીની મદદથી છીણો. હવે તેમાં ઉપરની અન્ય તમામ ચીજો મિક્સ કરી લો. થાળીમાં કોઈ પણ મેનૂ સાથે તમે આ ચટણીને પીરસી શકો છો. તેનાથી તમને ગરમીમાં રાહત મળી શકે છે.