આજે શહેરમાં વરસાદનો માહોલ છે અને સાથે રવિવાર પણ. તો સવારે કે સાંજે નાસ્તામાં તમે આ ભરેલા મરચાંના ભજિયા કે પછી દાળવડાનો પ્લાન સરળતાથી બનાવી શકો છો. વરસતા વરસાદ વચ્ચે ચાની ચુસ્કી સાથે આ નાસ્તો પરિવારજનોને ખુશ કરશે. ઘરે બનાવેલો ગરમાગરમ નાસ્તો હેલ્થ માટે પણ સારો રહેશે. તો કરી લો ફટાફટ આ નાસ્તાની તૈયારી.
કરી લો આ ગરમાગરમ નાસ્તાનો પ્લાન
રવિવાર અને વરસાદી માહોલની વધશે મજા
ભજિયા અને દાળવડા વધારશે ચાનો સ્વાદ
મગની દાળના દાળવડા
સામગ્રી
400 ગ્રામ મગની દાળ
આદું-મરચાંની પેસ્ટ
કોથમીર
હળદર
ખાંડ
મરચું
મીઠું
રીત
સૌપ્રથમ મગની છોતરાવાળી દાળને રાતે પલાળી રાખો. હવે સવારે તેને સારી રીતે ધોઈ લો અને તેના છોતરાં કાઢી લો. તેને મિક્સરમાં ક્રશ કરી લો. હવે તેમાં અન્ય મસાલા મિક્સ કરી લો. તૈયાર છે તમારું ઝટપટ ખીરું. ઉતારો ગરમાગરમ દાળવડા અને માણો ચાની ચુસ્કી સાથે મજા.
ભરેલા મરચાંના ભજીયા
સામગ્રી
5 થી 6 જાડા લીલા મરચાં
2 બટાકા(બાફેલા)
1/2 ટી સ્પૂન ચાટ મસાલો
1/2 ટી સ્પૂન ગરમ મસાલો
1 કપ ચણાનો લોટ
1/2 ટી સ્પૂન બેકિંગ પાવડર
1/4 ટી સ્પૂન લાલ મરચાનો પાવડર
મીઠું સ્વાદાનુસાર
તેલ તળવા માટે
રીત
સૌપ્રથમ લીલા મરચાંને ધોઈને લૂંછી લો. હવે તેની વચ્ચે લાંબો ચીરો લગાવી બીજા બહાર કાઢી લો. બાફેલા બટાકા છોલીને છીણી લો. તેમા મીઠું, ચાટ મસાલો અને ગરમ મસાલો નાખી મિશ્રણ તૈયાર કરો. ચણાના લોટમાં મીઠું, લાલ મરચું, બેકિંગ પાવડર અને જરૂર મુજબ પાણી નાખીને ઘટ્ટ ખીરું તૈયાર કરી લો. હવે એક કડાઈમાં તેલ ગરમ કરો. લીલા મરચામાં બટાકાનું મિશ્રણ ભરો અને ચણાના લોટના ખીરામાં ડુબાડી ગરમ તેલમાં તળો. તમે ઈચ્છો તો મરચાંના ઉપર પણ બટાકાના મિશ્રણની એક પરત લગાવી શકો છો. મરચાંના ગરમા-ગરમ ભજિયા ચાની સાથે સર્વ કરો.