રેસિપી / આથો લાવવાની ઝંઝટ વિના ઝટપટ બનાવો સોજીનો આ ટેસ્ટી હાંડવો, બધાં ખાતા રહી જશે

સામગ્રી

એક કપ સોજી
એક કપ ખાટું દહીં
1 મોટી ચમચી આદુ-મરચાંની પેસ્ટ
1 નાની ચમચી હળદર
1 મોટી ચમચી લાલ મરચું પાઉડર
1 નાની છીણેલી ડુંગળી
1 નાનું છીણેલું ગાજર
1/2 કપ છીણેલી દૂધી
1/2 કપ વટાણાં
મીઠો લીમડો
1 નાની ચમચી તલ
1 નાની ચમચી રાઈ
ચપટી હિંગ
અડધી ચમચી સોડા
સ્વાદાનુસાર મીઠું

રીત

સૌ પ્રથમ સોજીમાં દહીં ઉમેરી સોજીને 10 મિનિટ માટે પલળવા મુકી દો. સોજી પલળી જશે એટલે તે થોડી ઘટ્ટ થઈ જશે એટલે મિશ્રણને પાતળું કરવા માટે તેમાં થોડુ પાણી ઉમેરો. સોજીના આ મિશ્રણમાં આદુ-મરચાંની પેસ્ટ, મીઠું, કોથમીર, હળદર, લાલ મરચું પાઉડર, સોડા અને થોડી ખાંડ ઉમેરીને મિક્સ કરો. ત્યારબાદ તેમાં છીણેલી ડુંગળી, છીણેલું ગાજર, છીણેલી દૂધી અને વટાણાં ઉમેરીને મિક્સ કરી લો. એક નાના પેનમાં તેલ લો. તેલ ગરમ થાય એટલે તેમાં રાઈ નાંખો. રાઈ સંતળાય જાય એટલે તેમાં મીઠા લીમડાંના પાન, તલ અને હિંગનો વઘાર કરો. વઘાર ફૂટી જાય એટલે તેમાં સોજીના તૈયાર કરેલા મિશ્રણને નાખી તેને 10 સુધી મિનિટ ચડવા દો. હાંડવો એક બાજુ ચડી જાય એટલે તેને પલટાવી દો. ત્યારબાદ તેને વધુ 10 મિનિટ માટે ચડવા દો. તો તૈયાર છે સોજીનો હાંડવો.