રેસિપિ / વરસાદની સીઝનમાં માણો આ પરંપરાગત સદાબહાર ભજિયાની મજા, ફટાફટ બની જશે અને મળશે ખાસ ટેસ્ટ

• વરસાદની સીઝનમાં બનાવી લો ભજિયા
• કોઈ પણ સમયે ઘરે બની જાય છે બટાકાના સ્ટફ્ડ ભજિયા
• આ રીતે બનાવશો તો વધશે ભજિયાની લિજ્જત

બટાકાના સ્ટફ્ડ ભજિયા

સામગ્રી

- 500 ગ્રામ ખૂબ નાના બટાકા
- 1 કટકો આદુ
- 5 નંગ લીલાં મરચાં
- 50 ગ્રામ લીલું લસણ
- 50 ગ્રામ નાળિયેરનું ખમણ
- 1 ટીસ્પૂન તલ
- 1 નંગ લીંબુ
- 1/2 ઝૂડી લીલા ધાણા
- 250 ગ્રામ ચણાનો લોટ
- મીઠું સ્વાદ અનુસાર
- 1/4 ચમચી અજમો
- 3 લીલા મરચા
- 1/4 ચમચી હળદર
- 1 ચમચી ખાંડ
- તિરુપતિ સિંગતેલ તળવા માટે 
- સોડા
- 1 ચમચી વાટેલું લીલું લસણ

રીત

બટાકાને છોલી, તેને રવૈયા જેમ આડા ઊભા કાપવા. વાટેલા આદુ-મરચાં, વાટેલું લીલું લસણ,  તલ, ખાંડ, મીઠું, લીંબુનો રસ અને લીલા ધાણા બધું ભેગું કરી લેવું. હવે તેને કાપા પાડેલા બટાકામાં ભરવું. પછી બટાકાને વરાળથી બાફી લેવા. ચણાના લોટમાં મીઠું, મરચું, હળદર, ચપટી સોડા અને તિરુપતિ સિંગતેલનું મોણ નાંખી, સાધારણ જાડું ખીરું બનાવી લેવું. પછી ખીરામાં બટાકાનાં રવૈયાં બોળી, પેણીમાં તિરુપતિ સિંગતેલ મૂકી તે ગરમ થાય એટલે તળી લેવાં. ઠંડાં પડે એટલે વચ્ચેથી કાપી, તેના ઉપર ટોમેટો સોસ અથવા દહીંની ચટણી નાંખવી. આ નાસ્તો ફટાફટ બને છે અને ટેસ્ટ અને હેલ્થ માટે પણ મસ્ત રહે છે. ખાસ કરીને વરસાદની સીઝનમાં તીખાશ વાળા આ બટાકાના સ્ટફ્ડ ભજિયાની લિજ્જત અલગ જ મજા આપે છે.