ગુજરાતીઓને પ્રિય એવા ઢોકળામાં ટ્વિસ્ટ લાવવા માટે તમે સાદા ખીરામાં આ કેટલીક વસ્તુઓ મિક્સ કરી શકો છો. આ સાથે તમે નવો અને અલગ ટેસ્ટ મેળવશો. બ્રેકફાસ્ટમાં આ ગરમાગરમ નાસ્તો તમારી મદદ કરશે.
સૌપ્રથમ ચોખા અને અડદની દાળને ભીના કપડાથી લૂછીને મિક્સ કરો અને કરકરો લોટ તૈયાર કરો. ત્યાર બાદ તેમાં ખાટું દહીં અને ગરમ પાણી નાખી જાડું ખીરૂં તૈયાર કરો. મિશ્રણને 6 થી 7 કલાક મૂકી રાખો અને આથો આવવા દો. ત્યાર બાદ તેમાં આદું-મરચાંની પેસ્ટ ઉમેરીને બરાબર મિક્ષ કરી લો. હવે એક થાળીમાં તેલ લગાવીને તેમાં ખીરુ પાથરી તેના પર મરી પાવડર ભભરાવીને વરાળથી બફાવા દો. બફાયા પછી તેના કાપા પાડીને તેલ ગરમ કરી રાઈનો વધાર તેના પર રેડી દો. હવે આ ઢોકળા કોથમીરની કે નારિયળની ચટણી સાથે સર્વ કરો.