‘વેક્સિન જલદી અપાવી દઇશું’ ‘રાહ જોયા વગર વેક્સિન અપાવીશું’ આવા પ્રકારના દાવા અજાણ્યા લોકો તમારા ફોન પર કરે તો ચેતી જોજો કારણકે તમારી એક ભૂલ બેન્કનું બેલેન્સ ખાલી કરી નાખશે અને તમને રોડ પર લાવી દેશે.
ગઠિયાઓ વેક્સિનને નામે લોકો સાથે કરે છે ઠગાઈ
જલદી વેક્સિન લેવાની ચક્કરમાં સાઈબર ક્રાઈમનો ભોગ
સાયબર ક્રાઈમ એક્ટિવ થતા લોકોને સતેજ રહેવાની અપીલ
‘વેક્સિન જલદી અપાવી દઇશું’ ‘રાહ જોયા વગર વેક્સિન અપાવીશું’ આવા પ્રકારના દાવા અજાણ્યા લોકો તમારા ફોન પર કરે તો ચેતી જોજો કારણકે તમારી એક ભૂલ બેન્કનું બેલેન્સ ખાલી કરી નાખશે અને તમને રોડ પર લાવી દેશે. રાજ્યમાં સાયબર ક્રાઇમની ઘટના દિવસને દિવસે વધી રહી છે ત્યારે જલદી વેક્સિન અપાવી દેવાનાં બહાને ઠગાઇ કરતી ટોળકીઓ સક્રિય થઇ છે. પોલીસે આવા રૂપિયા ખંખેરતાં ગઠિયાઓથી બચવા માટે લોકોને સોશિયલ મીડિયા મારફતે અપીલ કરી છે.
સાયબર ક્રાઈમના ગુનાઓ વધ્યાં
તમારા ક્રેડિટકાર્ડની લિમિટ વધારવાની છે, ડેબિટકાર્ડ બંધ થઇ જશે, કેવાયસી અપડેટના નામે હજારો લોકો ઓનલાઇન ફ્રોડનો ભોગ બન્યા છે ત્યારે બીજી તરફ કોરોનામાં ફેલાયેલી બેકારીનો ફાયદો કેટલાક ઠગ લોકો ઉઠાવી રહ્યા છે અને નોકરી અપાવાનાં બહાને ચીટિંગ આચરી રહ્યા છે.
ગઠિયાઓ વેક્સિનને નામે લોકો સાથે કરે છે ઠગાઈ
લોટરી લાગી છે કે ગિફ્ટ લાગી છે તેમ કહીને પણ સાયબર ગઠિયાઓ લોકોના રૂપિયા ખંખેરી લેતા હોવાના અસંખ્ય કિસ્સાઓ સામે આવ્યા છે. હવે ગઠિયાઓ વેક્સિનના નામે લોકો પાસેથી રૂપિયા પડાવી રહ્યા હોવાનું પણ સામે આવતાં સાયબર ક્રાઇમ એક્ટિવ થઇ ગઇ છે.
સાયબર ક્રાઈમ એક્ટિવ થતા લોકોને સતેજ રહેવાની અપીલ
રેમડેસિવીર ઇન્જેક્શન તેમજ અન્ય ઇન્જેક્શનની અછતના સમયે સાયબર ગઠિયાઓએ કેટલાય લોકો સાથે લાખ રૂપિયાનું ચીટિંગ કર્યું છે. કોરોનાથી બચવા માટેનો વેક્સિન જ એક માત્ર સહારો છે તેવું હવે લોકો માની લેતાં ઠેર ઠેર વેક્સિન લેવા માટે ભીડ થઇ રહી છે. વેક્સિન ઝડપી મળી જાય તે માટે કેટલાક લોકો રૂપિયા પણ ખર્ચવા તૈયાર છે. જેનો ફાયદો સાયબર ગઠિયાઓ ઉઠાવી રહ્યા છે.
જલદી વેક્સિન લેવાની ચક્કરમાં સાઈબર ક્રાઈમનો ભોગ
જો તમારા નંબર પર અજાણી વ્યકિત જલદી વેક્સિન અપાવી દેવાનો દાવો કરી રહી હોય અથવા તો કોઇ દૂરનો ઓળખીતો અચાનક જ તમારી પાસે આવીને લાઇનમાં ઊભા રહ્યા વગર વેક્સિન અપાવી દેશે તેવી વાતો કરતો હોય તો ચેતી જજો. જલદી વેક્સિન લેવાની લહાયમાં ગઠિયાઓ તમારા રૂપિયા ખંખેરી લેશે. આવા ગઠિયાઓથી બચાવવા માટે સાયબર ક્રાઇમે લોકોનો સોશિયલ મીડિયાના માધ્યમથી પોસ્ટ મૂકીને અપીલ કરી છે અને કેટલાક પોલીસ કર્મચારીઓએ પણ તેમના વોટ્સએપ સ્ટેટસમાં પોસ્ટ મૂકી છે