રેસિપી / ઘરે જ બનાવી લો આ ગુજરાતી શાક, ટેસ્ટી હોવાની સાથે આપશે મજા

જો ઘરમાં કોઈ શાક ન હોય તો તમે સૌની પસંદનું આ શાક બનાવી શકો છો. નાના મોટા સૌને સેવ ટામેટાનું આ શાક પસંદ આવે છે. 

• બનાવો આ ગુજરાતી શાક
• સેવ ટામેટાનું શાક આપશે રાહત
• રસોડામાં જમાવી લો રંગત

સેવ ટામેટા

સામગ્રી

-એક કપ સેવ
-ત્રણ મધ્યમ કદના ટામેટા
-એક ડુંગળી ઝીણી સમારેલી
-અડધી ટીસ્પૂન આદુ પેસ્ટ
-એક લીલુ મરચું
-અડધી ટીસ્પૂન હળદર પાવડર
-અડધી ટીસ્પૂન જીરુ પાવડર
-એક ટીસ્પૂન ગરમ મસાલો
-અડધી ટીસ્પૂન રાઈ
-અડધી ટીસ્પૂન જીરુ
-પા ટીસ્પૂન હિંગ
-બે ટીસ્પૂન તેલ
-મીઠું સ્વાદ અનુસાર

રીત

સૌપ્રથમ એક પેનમાં તેલ ગરમ કરો. તેમાં જીરું, રાઈ, હિંગ અને લીલા મરચાં ઉમેરો. તેમાં સમારેલી ડુંગળી અને આદુની પેસ્ટ ઉમેરી બરાબર હલાવો. ડુંગળી લાઈટબ્રાઉન થઈ જાય અને તેલ છૂટું પડવા લાગે ત્યારે તેમાં સમારેલા ટામેટા ઉમેરો. તેમાં ગરમ મસાલો, જીરુ પાવડર, હળદર અને મીઠું ઉમેરો. એક કપ પાણી ઉમેરીને દસ મિનિટ સુધી ચઢવા દો. ગ્રેવી તૈયાર થઈ જાય ત્યારે તેના પર સેવ ભભરાવી ગરમા ગરમ સર્વ કરો.