રેસિપી / ગણેશજીને ભોગમાં ધરાવો રવા કોકોનટ લાડુ, સરળતાથી બની જશે ઘરે

આ લાડુ તમે સરળતાથી બનાવી શકો છો. તેમાં ખાસ મહેનત પણ નથી અને ઘરમાં રહેલી ચીજોથી જ બની જાય છે. ગણેશજીને મોદક બાદ લાડુનો ભોગ પસંદ હોય છે. તો ચુરમાના લાડુ સિવાય બનાવી લો આ રવા કોકોનટ લાડુ. 

સામગ્રી

200 ગ્રામ રવો
500 મિલી લીટર ફૂલ ક્રીમ દૂધ
20 ગ્રામ ઘી 
1 કપ બૂરું ખાંડ
200 ગ્રામ કોપરાનું છીણ
2 ચપટી એલચી

રીત

એક નોનસ્ટિક પેનને ગસે પર ગરમ કરો. તેમાં રવો મિક્સ કરો. રવો સોનેરી થાય ત્યાં સુધી સતત હલાવીને શેકો. નહીં તો તે બળી જશે. હવે તેમાં ઘી અને દૂધ મિક્સ કરો. સાથે જ તેમાં કોપરાનું છીણ પણ મિક્સ કરી લો. આને ત્યાં સુધી મિક્સ કરો જ્યાં સુધી મિશ્રણ થોડું ઘટ્ટ ન બની જાય. હવે તેમાં એલચી પાવડર મિક્સ કરો. તે લાડુ વાળવા જેવું થાય ત્યારે તેને ગેસ પરથી ઉતારી લો. મિશ્રણને થોડું ઠંડું થવા દો અને તેમાં ખાંડ મિક્સ કરી લો. હવે આ મિશ્રણમાંથી નાના લાડુ વાળી લો. લાડુ સૂકાઈ જાય એટલે તેને એરટાઈટ ડબ્બામાં ભરી લો. તમે ઈચ્છો ત્યારે ગણેશજીને તેનો ભોગ ધરાવી શકો છો.