રેસિપી / વરસાદની સીઝનમાં ઘરે બેઠા માણો આ ખાસ પકોડાની મજા, ચાની ચુસ્કી સાથે વધશે નાસ્તાનો આનંદ

• વરસાદની સીઝનમાં માણો ગરમ નાસ્તાની મજા
• પ્યાઝ એટલે કે ડુંગળીના પકોડા છે બેસ્ટ ઓપ્શન
• પકોડા સાથે ચાની માણો મજા

પ્યાઝ પકોડા

સામગ્રી

-પાંચ નંગ મોટી ડુંગળી
-ત્રણ નંગ લીલા મરચાં
-અડધી ટીસ્પૂન આદુંની પેસ્ટ
-બે ટીસ્પૂન લીંબુનો રસ
-ચાર ટીસ્પૂન કોથમીર સમારેલી
-એક ડાળખી મીઠો લીમડો સમારેલો
-બે ટીસ્પૂન લાલ મરચું પાવડર
-અડધી ટીસ્પૂન ધાણા પાવડર
-અડધી ટીસ્પૂન હળદર
-એક ટીસ્પૂન જીરૂં પાવડર
-દોઢ કપ ચણાનો લોટ
-ત્રણ ટીસ્પૂન ચોખાનો લોટ
-પા ટીસ્પૂન બેકિંગ સોડા
-મીઠું સ્વાદ અનુસાર
-પાણી જરૂર મુજબ
-તિરુપતિ સિંગતેલ તળવા માટે   

રીત

સૌપ્રથમ ડુંગળીને છોલીને તેના પાતળી લાંબી કટ કરી લો. એવી રીતે જ લીલા મરચાંને ઝીણા સમારી લો. હવે એક મોટા બાઉલમાં સમારેલી ડુંગળી, લીલા મરચાં, કોથમીર, મીઠો લીમડો, આદુંની પેસ્ટ, લાલ મરચું પાવડર, હળદર, જીરૂં પાવડર, ધાણા પાવડર અને મીઠું બારબાર મિક્સ કરી લો. ડુંગળીમાં બધા જ મસાલા એકરસ થઈ જાય એ રીતે મિક્સ કરી લો. ત્યાર બાદ તેમાં ચણાનો લોટ અને ચોખાનો લોટ નાંખીને બરાબર મિક્સ કરી લો. ફરીથી બંને લોટ ડુંગળીમાં એકરસ થઈ જાય એ રીતે બરાબર મિક્સ કરી લો. હવે તેમાં જરૂર પૂરતું થોડુંક જ પાણી નાખીને ભજીયા માટેનું ખીરૂં તૈયાર કરવુ.  ડુંગળીમાં મીઠું નાંખવાથી તેમાંથી પણ પાણી છૂટશે. આ ખીરૂં એકદમ ઘટ્ટ રાખવું. છેલ્લે તેમાં લીંબુનો રસ નાંખીને બરાબર મિક્સ કરી લેવું. આ દરમિયાન તિરુપતિ સિંગતેલ ગરમ કરવા માટે મૂકવું. આ તિરુપતિ સિંગતેલ ગરમ થાય એટલે તૈયાર કરેલા ખીરામાંથી ગરમા-ગરમ પકોડા ઉતારો. પકોડા બંને બાજુથી લાઈટ બ્રાઉન રંગના થાય એ રીતે તળી લો. થોડીવાર માટે પેપર નેપકિન પર મૂકીને ગરમા-ગરમ પકોડાને ચટણી સાથે સર્વ કરો. તેની સાથે તમે મસાલેદાર ચા પણ બનાવી શકો છો.