ઉનાળાની અસર વર્તાઈ રહી છે ત્યારે હેલ્ધી રહેવા માટે લિક્વિડ પીવું જરૂરી બન્યું છે. હાથવગું કોઈપણ લિક્વિડ પીવાના બદલે જો તમે હેલ્ધી ડ્રિંક લો છો તો તમારી ઈમ્યુનિટી વધે છે અને સાથે જ તમારી તરસ પણ છીપાય છે. જો તમે એકની એક સાદી છાશ પીને કંટાળ્યા છો તો તમે આ નવી મસાલા છાશ ટ્રાય કરી શકો છો. તે તમને અનેક રીતે લાભદાયી રહેશે.
મસાલા છાશ અનેક ગુજરાતીઓની પ્રિય છે. આ માટે તમારે ઘરની જ કેટલીક વસ્તુઓની જરૂર રહેશે. આ સરળતાથી બને છે અને સાથે જ અનેક ફાયદા આપે છે.
સામગ્રી
દહીં
લીલા મરચા
આદુ
જીરુ
સિંધવ મીઠું
ચાટ મસાલો
કોથમીર
ફૂદીનો
રીત
સૌ પહેલાં લીલા મરચાં, આદુ, જીરાને વાટી લો. તેની એક સ્મૂધ પેસ્ટ બનાવો. દહીં, પાણી, સિંધવ મીઠું, ચાટ મસાલો અને સાથે લીલા મરચાનો મસાલો મિક્સ કરો. કોથમીર અને ફૂદીનાથી ગાર્નિશ કરો અને ઠંડી છાશ પીઓ. તેનાથી મન પ્રફુલ્લિત રહેશે અને સાથે જ હેલ્ધી ડ્રિંકની મજા માણી શકશો.