રેસિપી / વધેલી રોટલીને ફેંકો નહીં, બનાવી લો ખમણી, હેલ્ધી ડિશ વધારશે નાસ્તાની મજા

વધેલી રોટલીને ફેંકો નહીં, તેમાંથી તમે સવારમાં મસ્ત હેલ્ધી બ્રેકફાસ્ટ બનાવી શકો છો. રોટલીના ખાખરા કે ચેવડો તો તમે બનાવી જ લો છો. આ સિવાય રોટલીને તળી પણ લો છો. તો હવે ટ્રાય કરો આ ટેસ્ટી ખમણી. સરળ સ્ટેપ્સમાં ફટાફટ બની જશે અને નાસ્તાની મજા પણ વધારશે. 

સામગ્રી

4 કપ વધેલી રોટલીનો ભૂકો
1 કપ ચણાનો લોટ
1 કપ દહીં
1 કપ શેકેલી શિંગનો ભૂકો
દોઢ કપ જેટલું પાણી
આદુ મરચાં સ્વાદ અનુસાર
અડધી ચમચી હળદર
1 ચમચી લાલ મરચું
દોઢ ચમચી ગરમ મસાલો
2 ચમચી ખાંડ
સ્વાદ અનુસાર મીઠું
4 ચમચી તેલ
હિંગ, રાઈ, લીમડો, તલ, લીલા મરચાંની ચીરી
કોથમીર, નાયલોન સેવ, નારિયેળનું છીણ સજાવટ માટે

રીત 

10 નંગ વધેલી રોટલી લો. તેના ટુકડા કરીને મિક્સરમાં ક્રશ કરીને ભૂકો બનાવી લો. પેનમા તેલ મૂકો અને સાથે હીંગ નાંખી રોટલીના ભુકાને પેનમાં નાંખો. હવે ચણાના લોટમાં લાલ મરચુ, હળદર, ખાંડ, ગરમ મસાલો, આદુ-મરચાંની પેસ્ટ, મીઠું, દહી, શિંગદાણાનો ભુકો બધું નાંખી ઘોળ તૈયાર કરો. તેમા પાણી ઉમેરી આ ખીરું પેનમાં નાંખી સતત હલાવી લો. પેન તેલ છોડવા લાગે અને ખીરું ઘટ્ટ થાય કે ગ્રીસ કરેલા મોલ્ડમાં પાથરી લો. તે પર લાલ મરચું છાંટો. 

હવે તેલ મુકી રાઇ, લીમડો, તલ, લીલા મરચાના કટકાને હીંગનો વઘાર રેડવો. કોથમીરને લીલા નાળીયેરનું ખમણ છાંટવું. સોફ્ટ ટેસ્ટી ખમણી તૈયાર છે ઠરે કે પીસીસ પાડી પીરસવા. અથવા તો તમે તેને બાઉલમાં લઈને એમ જ પણ ખાઈ શકો છો. તમને જો ગમે તો સેવ, કાંદા, દાડમ, ગળી ચટણી, લસણ ચટણી વગેરે ઘરમાં હોય તે છાંટો. ચા કે ચટણી સાથે ખાઇ શકાય છે.