રેસિપી / કોઈ પણ સમયે નાસ્તા માટે બેસ્ટ છે આ ખાસ ચાટ, કરી લો ટ્રાય

• ઘરે જ બનાવી લો આ હેલ્ધી ચાટ
• સારશે નાસ્તાની ગરજ
• ફટાફટ બનાવીને કરો ટ્રાય

ચાટ એવી વસ્તુ છે જે દરેક ઉંમ્રની વ્યક્તિને પસંદ હોય છે. વેકેશનની શરૂઆત થઈ ગઈ છે. રોજ સાંજે બાળકોને નાસ્તામાં શું આપવું તેવો વિચાર આવતો હોય છે. તો આજે અમે તમારી માટે લઈને આવ્યા છે, સરળ અને સ્વાદિષ્ટ ચાટની રેસિપી. 

ચણા ચાટ

સામગ્રી 

- બે વાટકી ફણગાવેલા ચણા લાલ 
- બે ચમચા કાંદાનું છીણ 
- બે ચમચી આદુનું છીણ 
- બે ચમચી ચના ચાટ મસાલો 
- એક વાટકી ગળી ચટણી 
- મીઠું પ્રમાણસર
- બે ચમચી લીંબુનો રસ 
- બે ચમચા કોથમીર 
- એક ચમચી લીલા મરચાના પીસ
- એક ચમચી તેલ 

રીત 

સૌ પ્રથમ ચણામાં મીઠું નાંખીને બાફી લો. એક વાસણમાં તેલ ગરમ કરીને કાંદા લીલા મરચાં, આદુનું છીણ સાંતળો. તેમાં ચણા નાંખો. બરોબર મિક્સ કરીને નીચે ઉતારો. તેમાં મીઠું-મરચું-લીંબુનો રસ, ચાટ મસાલો, કોથમીર મિક્સ કરો. ચના ચાટ ઉપર પ્રમાણે તૈયાર છે. બાઉલમાં મસાલેદાર ચણા ભરો તેના પર ગળી ચટણી, સેવ-કોથમીર, ચાટ મસાલો નાંખીને સર્વ કરો.