રેસિપી / છીણી કે મિક્સરની મદદ વિના આ રીતે મિનિટોમાં બનાવી લો ગાજરનો ટેસ્ટી હલવો

• ફટાફટ ઘરે બનાવો ગાજરનો હલવો
• ન મિક્સર કે ન છીણીની પડશે જરૂર
• ટેસ્ટી હલવો બનાવવા માટે કરો આ સરળ ઉપાય

સામગ્રી

• 500 ગ્રામ ગાજર
• 750 લિટર દૂધ
• 500 ગ્રામ ખાંડ 
• 4 ચમચી ઘી
• 100 ગ્રામ માવો
• કાજુ - પિસ્તા જરૂર પ્રમાણે

રીત

સૌ પહેલાં ગાજરને ધોઈ લો. હવે તેને પિલરની મદદથી છોલી લો. છોલ્યા બાદ તેના ટુકડા કરો. હવે એક પેન ગરમ કરો. તેમાં આ ગાજરના ટુકડા નાંખો. હવે તેમાં દૂધ ઉમેરો. પેનને થોડી વાર ઢાંકણું ઢાંકીને ગેસ પર ધીમી આંચે રાખો. થોડી વાર બાદ ગાજર ચઢી જશે. ગાજરને સ્મેશરની મદદથી સ્મેશ કરો અને સતત હલાવતા રહો. તે હલવા જેવું ઘટ્ટ બનશે. હવે ગાજરમાં ખાંડ અને ડ્રાયફ્રૂટ્સ ભેગા કરો. થોડી વાર સુધી તેને હલાવો. તેમાં માવો મિક્સ કરો. હવે તેને ફરીથી થોડી વાર સુધી હલાવો. ગાજરનો હલવો તૈયાર થવા આવે ત્યારે તેમાં ઘી ઉમેરી લો. હવે હલવો તૈયાર છે. ગરમા ગરમ હલવાની મજા માણી લો. 

ગાજર ખાવાના છે અઢળક ફાયદા

• નબળાઈ દૂર કરે છે.
• સ્કીન સારી રાખે છે.
• કેલ્શિયમ, પેક્ટીન ફાઇબર, વિટામીન A, B અને C હોય છે.
• કોલેસ્ટ્રોલને દૂર રાખે છે.
• હ્રદય રોગથી બચાવે છે.
• ગેસ, સંધિવા, પેટનું અલ્સર, અપચો અને પેટના આફરાની સમસ્યાઓમાં લાભદાયી છે.