રેસિપી / શિયાળામાં આ રીતે ચટ્ટાકેદાર બનાવો ઓળો, આંગળા ચાટતા રહી જશો

• શિયાળામાં બનાવો સ્વાદિષ્ટ ઓળો
• તલના તેલના ઉપયોગ દ્વારા વધુ લાગશે મીઠાશ
• આજે જ બનાવો ઘરે ચટાકેદાર ઓળો 

શિયાળાની સીઝનમાં અનેક પ્રકારના શાકભાજી સરળતાથી મળી જ રહેતા હોય છે, જેના કારણે સરળતાથી મનગમતી વાનગી બનાવવામાં સરળતા રહે છે. સૌરાષ્ટ્રના નાના-નાના ગામડામાં રીંગણાનો ઓળો, રોટલો, છાશ, માખણ અને ગોળ ખાવાની મજા જ કાંઇક અલગ હોય છે. 

રીંગણાનો ઓળો અને રોટલો એ સૌરાષ્ટ્રની ઓળખાણ સમાન છે. જો કે, હવે સમગ્ર ગુજરાતમાં અને વિદેશમાં પણ બાજરીના રોટલા અને ઓળા ખાવાનું ચલણ વધ્યુ છે. ત્યારે અમે આપને અહીં તલના તેલમાંથી બનાવેલ એકદમ સ્વાદિષ્ટ ઓળો બનાવવાની સરળ ટિપ્સ જણાવીશું.

3 વ્યક્તિ માટે રીંગણનો ઓળો બનાવવા માટેની સામગ્રી :

2 રીંગણ 

1 ટામેટું

એક નાની વાટકી લીલુ લસણ

લાલ મરચું (જરૂરીયાત મુજબ)

જીરુરાઈ (જરૂરીયાત મુજબ)

લીલી ડુંગળી(એક વાટકી)

ધાણાજીરૂ

હળદર

તજ

લવિંગ

બાદીયાનો ભૂકો

મીઠુ સ્વાદાનુસાર

કોથમીર 

તલનું તેલ (જરૂરીયાત મુજબ)

1/2 ચમચી – ગરમ મસાલો
એકચમચી ઘી 

તલના તેલમાંથી ઓળો બનાવવાની રીત 

રીંગણાનો ઓળો બનાવવા માટે સૌ પ્રથમ રીંગણને ચોખ્ખા પાણીથી ધોઇ લો. ત્યારબાદ તેના પર ચપ્પુની મદદ દ્વારા ત્રણ-ચાર જગ્યાએ ચીરા કરો. હવે ગેસની શરૂ કરીને ધીમો ગેસ રાખીને શેકી લો. 2-3 મિનટ પછી તેને તે એક બાજું વ્યવસ્થિત શેકાઇ જાય એટલે બીજી તરફ પણ શેકો.( ખાસ નોંધ : જો તમારી પાસે માઇક્રોવેવ છે તો તમે તેમા પણ રીંગણને 6-7 મિનિટ રાખીને શેકી શકો છો.) 

શેકેલા રીંગણાને ઠંડુ થવા માટે એક પ્લેટમાં રાખી દો અને જ્યારે તે ઠંડુ થાય એટલે વ્યવસ્થિત રીતે છાલ ઉતારીને તેને એકદમ ક્રસ(છુંદી નાંખવા). હવે એક કઢાઇમાં જરૂરીયાત મુજબનું તલનું તેલ ગરમ કરી લો અને તેલમાં હીંગ અને જીરૂ ઉમેરી લો. જીરાની સુંગંધ આવે એટલે તેમા ડુંગળી ઉમેરીને તેને હળવા તાપથી શેકવી.  

કઢાઇમાં રહેલી ડુંગળી સામાન્ય ગુલાબી રંગની થાય ત્યાં સુધી સાંતળો. ત્યારબાદ તેમાં ટામેટાના ઝીણા ટુકડા, લીલું લસણ, કોથમીર, લીલી ડુંગળી, લીલુ લસણ નાંખીને એકદમ મિક્સ કર્યા બાદ હવે તેને ઢાંકણથી ઢાંકી લો. ત્યારબાદ તેને 2-3 મિનિટ ધીમા તાપથી પર ચઢવા દો. હવે તેમા તજ, લવિંગ, બાદીયા, મીઠું અને ગરમ મસાલો જરૂરીયાત મુજબનું થોડું ઘી ઉમેરીને 3-4 મિનિટ રહેવા દો. રીંગણ ચઢે પછી ગેસ બંધ કરી લો. તૈયાર છે તલના તેલમાંથી બનેલો રીંગણનો સ્વાદિષ્ટ ઓળો. ઉપરથી કોથમીર ઉમેરીને શણગારી શકાય છે અને ત્યારબાદ પરિવારજનોને રોટલા, ગોળ, છાશ, માખણ સાથે પીરસો.