રેસિપી / આંખોનું તેજ અને થાળીનો સ્વાદ વધારશે આ 1 ચટણી, શિયાળામાં બનાવી લો ઘરે જ

શિયાળામાં માર્કેટમાં કોથમીર ભરપૂર પ્રમાણમાં મળી રહે છે. તેની મદદથી તમે ઘરે જ સરસ તાજી ગ્રીન ચટણી બનાવી શકો છો. સરળ સ્ટેપમાં ફટાફટ બની જતી આ ચટણી થાળીનો સ્વાદ વધારે છે. ગ્રીન ચટણીને તમે કોઈ પણ ચીજની સાથે સરળતાથી ઉપયોગમાં લઈ શકો છો. તેને તમે ભેળમાં, પરોઠા સાથે કે પછી ઢોકળા સાથે પણ ઉપયોગમાં લઈ શકો છો. જાણી લો તમે થોડી ચીજની મદદથી ઘરે જ કઈ રીતે ચટણી બનાવી શકો છો.

કોથમીર અને તલની ચટણી

સામગ્રી 

• 6 કપ સમારેલી કોથમીર
• 1 મોટો ચમચો સફેદ તલ
• 2 ચમચી જીરું
• 4 લીલા મરચા
• 2 લીંબુનો રસ
• મીઠું સ્વાદાનુસાર
• થોડું સમારેલું આદુ

 

રીત 

સૌપ્રથમ કોથમીરને સાફ કરી સમારો. તલને તવા પર શેકી નાંખો. હવે કોથમીર, તલ, આદુ, જીરું, લીલા મરચાં, મીઠું અને લીંબુનો રસ મિક્સરમાં નાંખી, તેમાં થોડું પાણી ઉમેરીને બરાબર વાટી લો. એકદમ બારીક ચટણી તૈયાર થઈ જાય એટલે વાટકામાં કાઢી લો. આ ચટણીનો ઢોકળા, પરોઠા, ભેળ કે પુલાવ સાથે સ્વાદ માણો.