રેસિપી / 10 જ મિનિટમાં બની જશે આ ગરમાગરમ હેલ્ધી કટલેટ, ઉડાડી દેશે તમારી ઠંડી

સામગ્રી

1/2 કપ સોજી
1/4 કપ ઝીણું સમારેલું સિમલા મરચું
1/4 કપ બાફેલી મકાઈના દાણા
1/4 કપ ઝીણી સમારેલી ડુંગળી
1/4 કપ ઝીણી સમારેલી કોથમીર
1 ચમચી તેલ
2 ચમચી મેદો
1 ચમચી ચિલી ફ્લેક્સ
2-3 બ્રેડ 

રીત

એક પેન લઈ તેમાં 1 કપ પાણી નાખી તેમાં અડધો કપ સોજી, સિમલા મરચું મકાઈના દાણા, ડુંગળી, કોથમીર, 1 ચમચી તેલ, સ્વાદ પ્રમાણે મીઠું નાખી, બધું જ બરાબર મિક્સ કરી લો. તમે તમારી મનપસંદની અન્ય શાકભાજી પણ આ મિશ્રણમાં ઉમેરી શકો છો. પછી 3-4 મિનિટ ધીમા ગેસ પર શેકી લો. મિશ્રણ ઘટ્ટ થાય અને સાઈડ છોડવા લાગે એટલે ગેસ બંધ કરીને મિશ્રણ પ્લેટમાં કાઢી લો. હવે મિશ્રણ ઠંડુ થાય એટલે તેને તમારી પસંદનો કટલેટ શેપ આપી દો. તમે હાર્ટ, સ્ટાર ગમે તે શેપ આપી શકો છો. પછી તેલ ગરમ મૂકો. હવે આ કટલેટને મેદાના બેટરમાં ડીપ કરો અને પછી બ્રેડ ક્ર્મ્પ્સમાં લપેટી દો. હવે મીડિયમ ગેસ રાખી 2-3 કટલેટ તેલમાં નાખો. ગોલ્ડન બ્રાઉન થાય ત્યાં સુદી કટલેટને તળી લો. કેચઅપ અને ચા સાથે સર્વ કરો ગરમાગરમ હેલ્ધી, ટેસ્ટી કટલેટ. ઉડી જશે ઠંડી. 

મેદાનું મિશ્રણ તૈયાર કરો

2 ચમચી મેદો લઈ તેમાં થોડું પાણી નાખી સ્મૂધ અને પાતળું બેટર તૈયાર કરી લો.

બ્રેડ ક્ર્મ્પ્સ

તેના માટે 2-3 બ્રેડ લઈ તેને મિક્સરમાં ક્રશ કરી લો અને તેમાં 1 ચમચી ચિલી ફ્લેક્સ મિક્સ કરી દો.