આવતીકાલે વેલેન્ટાઈન વીકનો ચોકલેટ ડે છે તો તમે પણ પાર્ટનરને ખુશ કરવા ઘરે જ બનાવી લો આ સિમ્પલ ચોકલેટ બોલ્સ. ટ્રાય કરો રેસિપી.
ચોકલેટ એ એક એવી વસ્તુ છે, જે નાના-મોટા સૌની બહુ પ્રિય હોય છે. ચોકલેટ જોતાં જ મોંમાં પાણી આવી જાય છે ને? એવા ભાગ્યે જ કોઇક બાળકો હશે જેમને ચોકલેટ પસંદ નહીં હોય. માત્ર બાળકો જ નહીં સ્ત્રીઓ અને પુરૂષોને પણ ચોકલેટ ફ્લેવર આકર્ષવામાં સફળ રહે છે. તો ચોકલેટ ડે પર બનાવો આ ખાસ વાનગી અને કરો પાર્ટનરને ખુશ.
સૌ પ્રથમ ચીલી કટરની મદદથી ગળ્યા બિસ્કીટનો ભૂકો કરો. ત્યાર બાદ તેમાં મલાઈ, કોફી પાવડર અને કોકો પાવડર નાખી બરાબર હલાવો. તેમાં કાજુ બદામ અને અખરોટનો ભૂકો નાખો. જરૂર પ્રમાણે દૂધ નાખી પરોઠા જેવો લોટ બંધો. લોટમાંથી નાના લુવા પાડી બોલનો આકાર આપો. બોલને બદલે રોલ પણ બનાવી શકાય. બોલને ઈચ્છા પ્રમાણે સીલોની કોપરા કે આઈસીંગ સુગરમાં રગદોળવા. જો એકદમ નાના બોલ બનાવ્યા હોય તો તેની પર ટુથ પીક પણ લગાવી શકાય. સાતેક દિવસ સુધી ફ્રીઝમાં સ્ટોર કરીને ઉપયોગમાં લઈ શકાય.
જો તમે ચોકલેટ ડેના દિવસે પાર્ટનરને આ ખાસ રોલ્સ ખવડાવશો તો તેઓ ખુશ થશે અને સાથે જ તમારા માટે પણ આ દિવસ ખાસ બનશે.