નાસ્તો / કોઈ પણ સમયની ભૂખ સંતોષવા માટે ઘરે જ બનાવી લો પરંપરાગત ગુજરાતી ફરસીપુરી

ફરસી પૂરી

સામગ્રી 

- પાંચસો ગ્રામ રવો
- પાંચસો ગ્રામ મેંદો
- એક કપ કરતા સહેજ વધુ ઘી(મોણ માટે)
- અજમો સ્વાદ અનુસાર
- જીરું સ્વાદ અનુસાર
- મીઠું સ્વાદ અનુસાર 
- મરી સ્વાદ અનુસાર
- તળવા માટે તેલ

રીત 

સૌપ્રથમ રવો અને મેંદો બંને ભેગા કરવા. થોડું આગળ પડતું ઘીનું મોણ નાંખીને લોટ બરાબર મિક્સ કરવો. હવે તેમાં આખું જીરું, મીઠું, મરી અને અજમો નાંખો. આ બધું બરાબર મેળવીને પૂરી જેવો લોટ બાંધવો. આ લોટને બરાબર કેળવવો. લોટના પૂરી જેવા લૂઆ બનાવીને તેની જાડી પૂરી વણવી. આ પૂરી કડક રહે તે માટે તેમાં ચમચીથી કાપા પાડવા. આ રીતે બધી પૂરી વણી લેવી. આ રીતે વણેલી પૂરીને મધ્યમ તાપે તેલમાં તળી આછી ગુલાબી રંગની થાય ત્યારે કાઢી લેવી. આ પૂરી નાસ્તામાં ચા તેમજ કોફી સાથે સરસ લાગે છે.