સીઝનમાં ગરમીનો અહેસાસ શરૂ થયો છે. આ સમયે તમે બહારથી જ ઠંડા પીણા લાવવાના બદલે ઘરે જ લાલ કે લીલાં જામફળનો એક પલ્પ તૈયાર કરીને ફ્રિઝમાં સ્ટોર કરી શકો છો. આ પલ્પને તમે ગમે ત્યારે ફક્ત પાણી મિક્સ કરીને સર્વ કરી શકો છો. મહેમાનો માટે અથવા તો ગરમીમાંથી આવ્યા બાદ તે તમને રાહત આપે છે.
સામગ્રી
4 મોટા પાકા લાલ કે લીલાં જામફળ
4 ચમચી ખાંડ
ચપટી મીઠું
ચપટી લાલ મરચું
ચપટી ચાટ મસાલો
સૌ પહેલાં જામફળને સરસ રીતે ધોઈ લેવા. તેની છાલ ઉતારીને તેના નાના કટકા કરો. ધ્યાન રહે કે જામફળ પાક્કા જ લેવા. મિક્સરમા જામફળને સરસ રીતે પીસી લેવા. જરૂર લાગે તો થોડું પાણી એડ કરી શકો છો. હવે આમાં ખાંડ અને મીઠું નાંખીને ક્રશ કરી લેવું પછી તેને સરસ રીતે ગાળી લેવુ. રેડી છે જામફળ નો પલ્પ. જ્યુસ બનાવતી વખતે ગ્લાસમાં અડધો ગ્લાસ જામફળનો પલ્પ અને અડધો ગ્લાસ એકદમ ઠંડું પાણી એડ કરવું. ચપટી લાલ મરચું અને ચપટી ચાટ મસાલો ઍડ કરી સર્વ કરવું. આ ટેસ્ટી અને હેલ્ધી જામફળના જ્યૂસથી રાહત મળશે.