આજકાલ બાળકો શાળાઓ બંધ હોવાના કારણે આખો દિવસ ઘરે જ હોય છે. જો તમે રોજના નાસ્તા સિવાય પણ બાળકોને ખુશ કરવા તેમને અલગ હેલ્ધી નાસ્તો આપવા ઈચ્છો છો તો તમે તેમને ગ્રીલ ચીઝ સેન્ડવિચ બનાવીને આપી શકો છો. આ ગરમાગરમ સેન્ડવિચ ખાઈને તેઓ ખુશ તો થશે જ અને સાથે જ તમે પણ ઓછી મહેનતે તેને ફટાફટ બનાવી શકો છો. તો જાણી લો યમ્મી રેસિપી અને આજે જ કરી લો ટ્રાય.
ગ્રીલ ચીઝ સેન્ડવિચ
સામગ્રી
આઠ નંગ બ્રાઉન બ્રેડની સ્લાઈસ
એક કપ ખમણેલ ચીઝ
દસ ચમચી ટોમેટો સોસ
રીત
સૌપ્રથમ બ્રેડની સ્લાઈસ કરી તેની કિનારી દૂર કરવી. ત્યારબાદ તેમાં ખમણેલું ચીઝ સ્પ્રેડ કરવું અને ટોમેટો સોસ લગાવો અને ટોસ્ટરમાં અથવા ઓવનમાં સેન્ડવિચ બે મિનિટ માટે ગ્રીલ કરવી. ગરમ-ગરમ ગ્રીલ ચીઝ સેન્ડવિચની મજા માણો. બાળકો હોય કે મોટાં દરેકને આ ગરમાગરમ સેન્ડવિચ ખાવાની મજા પડશે. આમ પણ બાળકોને બ્રેડ અને ચીઝની કોઈપણ આઈટમ મળે તો તેઓ ખુશ થઈ જતાં હોય છે. આ માટે તમારે પણ ખાસ મહેનત કરવાની નથી. ઓછી મહેનતે હેલ્ધી નાસ્તો તમે બાળકોને આપી શકો છો.
બ્રાઉન બ્રેડ ખાવાથી થાય છે આ ફાયદા
બ્રાઉન બ્રેડમાં કેલેરી ઓછી હોય છે. ઘઉંની બ્રેડથી વજન નિયંત્રણમાં રાખવામાં મદદ મળે છે.
બ્રાઉન બ્રેડમાં નિયાસિન, થાયમીન, રાઇબોફ્લેવિન, ફેલેટ, વિટામિન-કે , વિટામિન-ઈ, પેન્ટોથેનિક એસિડ, કાર્બોહાઈડ્રેટ, મેગ્નેશિયમ અને ફાઈબર હોય છે.
બ્રાઉન બ્રેડનો ગ્લાયસેમિક ઈન્ડેક્સ (સૂચકાંક) ઓછો હોય છે. તેનાથી બ્લડ શુગર વધતું નથી અને ડાયાબિટીસની શક્યતા ઓછી થઈ જાય છે.
બ્રાઉન બ્રેડના સેવનથી હૃદયનો રોગની શક્યતા ઘટે છે.
બ્રાઉન બ્રેડ સારી રીતે પચી જાય છે.
નિયમિત રીતે બ્રાઉન બ્રેડ ખાવાથી મેદસ્વિતાનું જોખમ 40% ઓછું થાય છે.