FOLLOW US
આ વાનગી પતિ અને બાળકો બંનેને ખુબ ભાવશે. તો આજે હાથ અજમાવી લો આ ગારિલક કર્ડ રાઈસની રેસિપિ પર. ગરમીમાં દહીં ખાવાથી શરીરને પણ મોટો ફાયદો મળે છે.
ગાર્લિક કર્ડ રાઈસ
સામગ્રી
-એક કપ રાંધેલા ભાત -પોણો કપ દહીં -બે ટીસ્પૂન તેલ -એક ટીસ્પૂન રાઈ -ચપટી હિંગ -એક ટીસ્પૂન ચણા દાળ -એક ટીસ્પૂન અડદ દાળ -ચાર નંગ સુકાં લાલ મરચાં -ચાર મીઠા લીમડાના પાન -ત્રણ ટીસ્પૂન લસણની પેસ્ટ -એક ટીસ્પૂન આદુંની પેસ્ટ -બે નંગ લીલા મરચાં -બે ટીસ્પૂન કોથમીર સમારેલી -લાલ મરચું પાવડર -મીઠું સ્વાદ અનુસાર
રીત
સૌપ્રથમ એક કડાઈમાં તેલ ગરમ કરો. તેલ ગરમ થાય એટલે તેમાં રાઈ નાખો. રાઈ તતડે પછી ચણા દાળ અને અડદ દાળ નાંખી થોડી શેકી લો. સુકાં લાલ મરચાં, હિંગ, લીમડાના પાન નાંખી સાંતળી લો. લીલા મરચાં, લસણની પેસ્ટ, આદુની પેસ્ટ નાંખી થોડી સાંતળી લો. હવે રાંધેલા ભાત, મીઠું, અને દહીં નાંખીને મિક્સ કરો. બેથી ત્રણ મિનિટ સુધી ચઢવા દો. કોથમીર અને લાલ મરચું પાવડરથી ગાર્નિશ કરીને ગરમા-ગરમ સર્વ કરો.