રેસિપી / આ રીતે માઈક્રોવેવમાં બનાવી લો રાજસ્થાની ચુરમાના લાડુ, નહીં રહે વધારે ઝંઝટ

• ઘરે જ મિનિટોમાં બનાવી લો રાજસ્થાની ચુરમાના લાડુ
• માઈક્રોવેવમાં બનાવી લો ચુરમાના લાડુ
• ટેસ્ટી અને હેલ્ધી લાડુની સિમ્પલ રેસિપી

લાડુનું નામ સાંભળતા જ દરેક વ્યક્તિના મોંઢામાં પાણી આવી જાય છે. તેમાં પણ જો વાત રાજસ્થાની ચુરમાના લાડુની હોય તો પૂછવું જ શું! તો હવે ઘરે જ સરળતાથી બનાવી લો રાજસ્થાની ચુરમાના લાડુ. આ લાડુ ટેસ્ટમાં ઘણા સ્વાદિષ્ટ હોય છે. સામાન્ય રીતે લાડુને ખાસ કરીને તળીને, કૂટીને તૈયાર કરવામાં આવે છે, જો વધારે સમય ન હોય તો તમે તેને મિક્સરમાં ક્રશ કરી શકો છો. આજે ચુરમાના લાડુ માઇક્રોવેવમાં બનાવવામાં આવશે. તે સરળતાથી બની જાય છે અને ટેસ્ટી પણ લાગે છે. તો નોંધી લો રેસિપિ અને બનાવો તમારા માઇક્રોવેવમાં સુગંધીદાર અને સ્વાદિષ્ટ ચુરમાના લાડુ.

સામગ્રી

- 1 કપ ઘઉંનો લોટ
- 1 કપ બેસન
- 1 કપ રવો
- 1 કપ ઘી
- 1 કપ દૂધ
- 1.5 કપ ઘી
- પ્રમાણસર ડ્રાયફ્રૂટ્સ 
- 1 ચમચી એલચી પાવડર
- 1.5 કપ ખાંડ

રીત

લોટ, બેસન, રવો, ઘી, દૂધ, ખાંડને એક બાઉલમાં મિક્સ કરીને 3 મિનિટ સુધી માઇક્રોવેવમાં મૂકો. જ્યાં સુધી ચીજો માઇક્રોવેવમાં કૂક થાય ત્યાં સુધી પિસ્તા, બદામ અને કાજુને સુધારી લો. ત્રણ મિનિટ બાદ એક વાર બહાર કાઢો અને તેને હલાવો. ફરી ત્રણ મિનિટ મૂકો, ફરી એકવાર આ જ ક્રિયા કરો અને હવે તમે જોશો કે તે શેકાઇ ગયો છે. ફરી બે મિનિટ તેને રાખો જ્યાં સુધી તે સરળતાથી શેકાઇ ન જાય. મિશ્રણ સારી રીતે ખુલ્લુ થશે અને તે શેકાઇને તેનો કલર બ્રાઉન થઇ રહ્યો છે. તેને ચાખી શકો છો કે તે શેકાયું છે કે નહીં. તેમાં સુધારેલા ડ્રાયફ્રૂટ્સ એડ કરો અને તેને એક મિનિટ માટે માઇક્રોવેવમાં રાખો. હવે તેમાં એલચી પાવડર ઉમેરો. જો મિશ્રણ વધારે ખુલ્લું હોય તો તમે તેમાં દૂધ અને ઘી ઉમેરો. તેને હલાવો. તે લાડુ બાંધી શકાય તેવું બની જશે. તૈયાર છે ચુરમાનું મિશ્રણ. હવે તેના લાડુ વાળો અને ગરમાગરમ પીરસો ચુરમાના લાડુ. માણો રાજસ્થાની ચુરમાના લાડુની મજા.  જો તમે ઈચ્છો તો તેને ખસખસમાં રગદોળી પણ શકો છો.