રેસિપી / નાસ્તા માટે પરફેક્ટ છે આ ઘરે બનાવેલી ખાસ પૂરી, નોંધી લો રેસિપિ અને બનાવો આજે જ

• નાસ્તામાં બનાવી લો ફરસી પૂરી
• કોઈ પણ સમયે પરિવારને આવશે પસંદ
• હેલ્ધી અને ટેસ્ટી પૂરીથી મળશે આનંદ

ફરસી પૂરીને તમે ચા /કોફી, ચટણી કે અથાણાં સાથે ઠંડી કે ગરમ સર્વ કરી શકો છો. વિવિધ પ્રકારની આ પૂરી નાસ્તામાં હેલ્ધી રહે છે અને એક નવી એર્નજી પણ આપે છે.

ફરસી પૂરી

સામગ્રી 

- અઢીસો ગ્રામ રવો
- અઢીસો ગ્રામ મેંદો
- ઘી અડધા કપ કરતા સહેજ વધુ (મોણ માટે)
- અજમો
- જીરું
- મીઠું
- મરી
- તળવા માટે તિરુપતિ સિંગતેલ 

રીત 

સૌપ્રથમ રવો અને મેંદો બંને ભેગા કરવા. થોડું આગળ પડતું ઘીનું મોણ નાંખીને લોટ બરાબર મિક્સ કરવો. હવે તેમાં આખું જીરું, મીઠું, મરી અને અજમો નાંખો. આ બધું બરાબર મેળવીને પૂરી જેવો લોટ બાંધવો. આ લોટને બરાબર કેળવવો. લોટના પૂરી જેવા લૂઆ બનાવીને તેની જાડી પૂરી વણવી. આ પૂરી કડક રહે તે માટે તેમાં ચમચીથી કાપા પાડવા. આ રીતે બધી પૂરી વણી લેવી. આ રીતે વણેલી પૂરીને મધ્યમ તાપે તિરુપતિ સિંગતેલમાં તળી આછી ગુલાબી રંગની થાય ત્યારે કાઢી લેવી. આ પૂરી નાસ્તામાં ચા તેમજ કોફી સાથે સરસ લાગે છે.