રેસિપિ / વજન ઘટાડવું હોય કે પછી શરીરની ગરમી દૂર કરવી હોય, બનાવો આ ખાસ રાયતું, ફાયદા જાણીને તમને પણ લાગશે નવાઈ

• ઘરે બનાવી લો ફૂદીનાનું રાયતું
• ગરમીમાં આપશે ઠંડકનો આનંદ
• સિમ્પલ સ્ટેપ્સમાં ફટાફટ બની જશે આ રાયતું

ફૂદીનાનું રાયતું ગરમીમાં સારું રહે છે. તે તમને ઠંડક આપે છે. લગભગ દરેક ભારતીય ઘરોમાં આ રાયતું બને છે. ખાવાનું પૌષ્ટિક બનાવવા માટે તમે ફૂદીનાનું રાયતું યૂઝ કરી શકો છો. તો જાણો કઈ રીતે સરળતાથી તમે તેને ઘરે જ બનાવી શકો છો.  

ફૂદીનાનું રાયતું

સામગ્રી

• દહીં - 2 કપ
• લીલા મરચા - 3 નંગ
• છીણેલી કાકડી - અડધો કપ
• લાલ મરચું પાવડર - સ્વાદ અનુસાર
• જીરા પાવડર - 1 નાની ચમચી
• ફૂદીનાના પાન - 3/4 કપ
• ડુંગળી - 1/4 કપ
• મીઠું - જરૂરિયાત અનુસાર
• ખાંડ - 1/4 ચમચી

રીત

સૌ પહેલા તો ફૂદીનાના પાન ધોઈ લો. તેની મદદથી સરળતાથી ફૂદીનાનું રાયતું બની શકે છે. પાનને ધોયા બાદ ખીરાને છીણી લો અને ડુંગળીને બારીક સુધારી લો.  ફૂદીનાના પાન અને દહીંને બ્લેન્ડ કરો. આ સાથે તેમાં લીલા મરચા પણ મિક્સ કરી લો. એક બાઉલમાં આ વસ્તુઓ કાઢી લો  અને તેમાં કાકડી મિક્સ કરી લો.  હવે તેમાં જરૂર પ્રમાણે મીઠું, મરચું, જીરા પાવડર મિક્સ કરો અને ફૂદીનાના પાનથી ગાર્નિશ કરીને સર્વ કરો. જો તમને ગમે તો તેને થોડી વાર ફ્રિઝમાં ઠંડુ પણ કરી શકો છો. 

ફૂદીનાનું રાયતુ ખાવાથી મળે છે આ ફાયદા

આ રાયતામાં કેલેરીનું પ્રમાણ ઓછું હોય છે તેનાથી તે વજન વધતું અટકાવે છે. પેટને ઠંડક આપે છે. પેટની ગરમીથી થતી સમસ્યાને દૂર કરવામાં મદદ કરે છે. આ સિવાય ગરમીની સીઝનમાં આ રાયતું પાચનને સ્વસ્થ રાખવામાં મદદ કરે છે. ફૂદીનાનું રાયતું લૂની સમસ્યાથી બચાવે છે. આ શરીરના બેડ કોલેસ્ટ્રોલને ઘટાડવામાં મદદ કરે છે. રાયતામાં પ્રોટીન, કેલ્શિયમ વધારે હોય છે જેના કારણે હાડકા અને દાંત મજબૂત રહે છે.