ગુજરાતી વાનગી / ઠંડીની સીઝનમાં માણી લો ગરમાગરમ ખીચુની મજા, દાઢમાં રહેશે સ્વાદ

મકાઈનું ખીચું

સામગ્રી

• 2 કપ મકાઈનો લોટ
• 4 કપ પાણી
• 4 ટેબલ સ્પૂન લસણની પેસ્ટ
• 4 ટેબલ સ્પૂન લીલા મરચાંની પેસ્ટ
• 2 ટી સ્પૂન અજમો
• 6 ટેબલ સ્પૂન તેલ
• મીઠું સ્વાદાનુસાર

રીત

સૌપ્રથમ એક તપેલીમાં તેલ ગરમ કરો. તેલ ગરમ થાય એટલે તેમાં લસણની પેસ્ટ અને લીલા મરચાં નાખીને સાંતળો. અડધી મિનિટ સાંતળ્યા બાદ તેમાં પાણી, મીઠું અને અજમો નાખીને બરાબર મિક્સ કરી લો. પાણી થોડું ઉકળી જાય પછી તેમાં મકાઈનો લોટ નાખીને ઝડપથી હલાવો. તેમાં ગઠ્ઠા ન પડે તે રીતે બરાબર હલાવો. પાંચ મિનિટ સુધી ધીમા પાતે ચઢવા દો. ત્યાર બાદ એકવાર જોઈ લેવું, કે લોટ બરાબર ચઢી ગયો છે કે નહીં. ત્યાર બાદ ગરમા-ગરમ તેલ સાથે સર્વ કરો.