રેસિપી / ગેસની મદદ વિના ફ્કત 2 ચીજોની મદદથી બનાવી લો 5 મિનિટમાં કોકોનટ મોદક, ગણેશજી થશે પ્રસન્ન

આજે અમે આપને માટે લાવ્યા છીએ કોકોનટ મોદકની રેસિપી. જેમાં તમારે ગેસનો પણ ઉપયોગ કરવાનો નથી. ફક્ત 2 ચીજની મદદથી તમે આ મોદકનો પ્રસાગ ઘરે જ 5 મિનિટમાં બનાવી શકો છો. આ પ્રસાદથી ગણેશજી ખુશ થશે. કારણકે મોદક એ ગણેશજીનો ફેવરિટ પ્રસાદ છે. તો જાણી લો આ માટેની સામગ્રી.

સામગ્રી

2 કપ નારિયેળનો બૂરો
1 કપ મિલ્ક મેડ
પા કપ કેસરવાળું દૂધ

રીત 

એક બાઉલમાં નારિયેળનો બૂરો, કેસરવાળું દૂધ અને મિલ્કમેડ મિક્સ કરો અને તેનો એક સોફ્ટ લોટ જેવું બનાવો. હવે તમે મોદક મોલ્ડ લો અને તેને ઘીથી થોડું ગ્રીસ કરી લો અને તેમાં બનાવેલો તૈયાર સોફ્ટ નારિયેળનું મિશ્રણ ભરો. ધીમેથી મોલ્ડને અનમોલ્ડ કરો. તૈયાર છે તમારા મોદક. તેની પર તમે કેસરના તાંતણા લગાવીને ગાર્નિશ કરી શકો છો. તો ધરાવો ગણેશજીને આ મોદકનો પ્રસાદ.