રેસિપી / એકવાર બનાવો આ ટેસ્ટી અને ઈઝી ચીઝ ચિલી પરાઠા, ઘરના નાના-મોટા સૌ ખાઈને ખુશ થઈ જશે

સામગ્રી

2 વાટકા ઘઉંનો લોટ
3 ચમચી બટર
અડધો કપ છીણેલું રેગ્યુલર ચીઝ
5 સમારેલાં લીલાં મરચાં
2 ચમચી સમારેલી કોથમીર
અડધી ચમચી કાળા મરીનો પાઉડર
મીઠું સ્વાદઅનુસાર
તેલ જરૂર મુજબ

રીત

સૌથી પહેલાં એક બાઉલમાં લોટ લઈ તેમાં મીઠું અને મોણ માટે 2 ચમચી તેલ નાખીને પરાઠા જેવો વધુ કડક પણ નહીં અને વધુ નરમ પણ નહીં એવો લોટ બાંધી લો. હવે એક વાટલીમાં બટર, ચીઝ, કાળા મરીનો પાઉડર, કોથમીર મિક્સ કરી લો. હવે લોટમાંથી લોઈ બનાવી તેને રોટલીની સાઈઝમાં વણી લો. પછી આખા પરાઠા પર ચીઝનું એક ચમચી મિશ્રણ સ્પ્રેડ કરી લો. હવે લચ્છા પરાઠા બનાવતા હોઈએ છે તેમ સાઈડ બાય સાઈડ પરાઠું વાળીને તેની ફરી લોઈ બનાવી લો. હવે ફરી પરાઠું વણી લો એટલે પડવાળું ક્રિસ્પી પરાઠું બનશે. પછી તેને મીડિયમ ગેસ પર બંને બાદુ ઓઈલ કે ઘીમાં તળી લો. તૈયાર છે તમારું ચીઝ ચિલી પરાઠા. તેને ગ્રીન ચટણી, દહીં કે સોસ સાથે ગરમાગરમ સર્વ કરો.