રેસિપિ / ગરમીમાં કૂલ કૂલ કુલ્ફીની મજા માણવી છે તો ફટાફટ ટ્રાય કરી લો આ ટ્વિસ્ટ સાથેની રેસિપિ

કૂલ્ફી આઈસ્ક્રીમ ઘરે જ બનાવીને પીરસવામાં આવે તો તેનાથી મોટું સુખ કોઈ નથી તેવી લાગણી થાય. આ કુલ્ફીનો ટેસ્ટ અને તેની મજા કંઈ અલગ જ હોય છે.તેનો સ્વાદ લાંબા સમય સુધી તમને આનંદ આપે છે. તો હવે ઘરે જ બનાલી લો સરળ કુલ્ફી અને માણો મજા.

ચીકુ કુલ્ફી

સામગ્રી

-1 લિટર દૂધ 
-100 ગ્રામછીણેલો માવો 
-6 નંગ ચીકુ 
-1/2 ટીન મિલ્ક મેઇડ 
-2 ટેબલ સ્પૂન ખાંડ 
-1 ટેબલ સ્પૂન બદામની કતરણ 
-1 ટેબલ સ્પૂન પિસ્તાંની કતરણ 
-1 ટેબલ સ્પૂન ચોકલેટ પાઉડર 
-થોડાં ટીપાં વેનિલા એસેન્સ

રીત

સૌપ્રથમ ચીકુની છાલ ઉતારીને તેનો માવો બનાવી લો. ત્યાર બાદ એક કડાઈમાં દૂધ અને મિલ્ક મેઇડ ગરમ કરો. ઘટ્ટ થાય એટલે તેમાં ખાંડ નાખવી. ખાંડ બરાબર ઓગળી જાય એટલે ઉતારી લેવું. આ મિશ્રણ ઠંડું પડે એટલે તેમાં માવો અને ચીકુનો  પલ્પ ઉમેરવો. ત્યાર બાદ મિક્સરમાં આ મિશ્રણને એકરસ કરી લો. એક બાઉલમાં ટ્રાન્સફર કરીને પછી તેમાં એસેન્સ ઉમેરી બરાબર હલાવી લો. તેમાં બદામ, પિસ્તાંની કતરણ ઉમેરો. ત્યારબાદ કુલ્ફીના મોલ્ડમાં આ મિશ્રણને ઢાળી દો અને ડીપ ફ્રીઝરમાં કૂલ સેટ થવા મૂકી દો. બરાબર જામી ગયા બાદ ફ્રીઝરમાંથી કાઢી લો. તૈયાર છે ચીકુ   કુલ્ફી.