રિલાયન્ય જિયો તેના યુઝર્સને હાઈ સ્પીડ ઈન્ટરનેટની સાથે અન્ય કેટલીક શાનદાર સર્વિસ આપે છે. જેમાં જિયો ફાયબર કનેક્શનની સાથે જિયો કોલિંગ પણ સામેલ છે. જે યુઝર્સ પાસે જિયો ફાયબરનું કનેક્શન છે, તે લેન્ડલાઈન અને વોઈસ અને વીડિયો કોલિંગ કરી શકે છે. કંપની આ સર્વિસને JioFixedVoice ફંક્શન હેઠળ ઉપલબ્ધ કરાવી રહી છે. ચાલો જાણીએ આ સર્વિસ વિશે.
જિયો યુઝર લેન્ડલાઈન અને વોઈસ અને વીડિયો કોલિંગ કરી શકે
ગ્રાહકોને આકર્ષિત આપે છે શાનદાર સર્વિસ
રિલાયન્સ જિયોમાં મેળવો વધુ બેનિફિટ્સ
VoIP દ્વારા જિયો ફાયબર કોલિંગ
સૌથી પહેલાં તમારે એ જાણવું જરૂરી છે કે, જિયો ફાયબરના માધ્યમથી કરવામાં આવતા બધાં કોલ્સ વોઈસ ઓવર ઈન્ટરનેટ પ્રોટોકોલ VoIP કોલ હોય છે. એટલે કે કોલ વાઈફાઈ અથવા લેન નેટવર્ક દ્વારા કનેક્ટ થાય છે. આમાં એ જ ટેક્નોલોજીનો ઉપયોગ થાય છે જે VoWi-Fi કોલિંગ માટે ઉપયોગ કરવામાં આવે છે.
જિયો ફાયબર કનેક્શન પર લેન્ડલાઈનથી JioFixedVoice કોલ્સ
યુઝર્સ માટે કોલિંગની સૌથી પહેલી રીત એ છે કે, તે લેન્ડલાઈનથી જિયો ફાયબર અથવા જિયો ફિક્સ્ડ વોઈસ કોલ કરે. તેના માટે લેન્ડલાઈન હેન્ડસેટ હોવા જરૂરી છે. કંપની જિયો ફાયબરની સાથે કોઈ હેન્ડસેટ આપતી નથી. તમારે જાતે જ ખરીદવું પડશે. હેન્ડસેટ માટે તમે જિયો ફાયબર હબ અથવા હોમ ગેટવે પાછળ આપેલાં RJ11 પોર્ટમાં કનેક્ટ કરી શકો છો. આ રાઉટર રિલાયન્સ જિયો ફાયબર દરેક કનેક્શન સાથે આપી રહ્યું છે. ફોનમાં આ પોર્ટથી કનેક્ટ કર્યા બાદ તમે તમારા જિયો ફાયબર નંબરથી કોલ કરી શકો છો.
યુઝર જિયો ફાયબર કનેક્શન દ્વારા તેના સ્માર્ટફોન્સથી પણ કોલ કરી શકે છે. તેના માટે ફોનમાં JioCall એપ હોવી જરૂરી છે. આ એપ ડાઉનલોડ અને ઈન્સ્ટોલ કર્યા બાદ તમારે લોગઈન કરવું પડશે. આ લોગઈન જિયો ફાયબર કનેક્શનના લાઈફાઈ ઝોનમાં જ કરી શકાશે. લોગઈન કર્યા બાદ તમે જિયો એપ કોલ દ્વારા કોલિંગ કરી શકશે. કોલ રિસીવ કરનાર યુઝરના ફોન પર તમારો જિયો ફાયબર નંબર જ ડિસ્પ્લે થશે. જે કનેક્શન લેતી વખતે આપવામાં આવશે. સ્માર્ટફોન યુઝર્સને આમાં વીડિયો કોલિંગનો પણ ફીચર મળશે.