ટિપ્સ / પસંદગીનાં કામને બનાવશો વ્યવસાય તો નહીં લાગે થાક, ઉલ્ટાની મળશે તાકાતઃ ટીમ કૂક

ન્યુ ઓરલિયન્સઃ એપલ સીઇઓ ટીમ કૂકે કહ્યું કે તમે જે કામ પસંદ કરો છો તેને તમારો વ્યવસાય બનાવો. જો આમ થશે તો થાક નહીં અનુભવો. કૂક ન્યૂ ઓરલિયન્સની ટુલાને યુનિવર્સિટીની ગ્રેજયુએશન સેરેમની દરમિયાન વિદ્યાર્થીઓને સંબોધિત કરી રહ્યાં હતાં. તેમણે કહ્યું કે તમે જે વસ્તુને પ્રેમ કરો છો તેને વ્યવસાય બનાવો. કામ પછી કામ નહીં રહે.

એ કહેવત છે કે તમને જે વસ્તુ ગમે છે તમે તેને પસંદ કરો છો તો જિંદગીમાં એક પણ દિવસ કામ નહીં કરો. મેં એપલમાં પણ એ જ વાત શીખી છે. જો તમે આમ કરશો તો થાક નહીં લાગે. કેમ કે તમારી મરજી મુજબ કામ થશે ત્યારે તમને ખૂબ જ તાકાત મળશે.

તમે એ વાત દિમાગમાં લાવી જ નહીં શકો કે તમે થાકી રહ્યા છો. તમને એટલી બધી ઊર્જા મળશે કે તમે વિચારી પણ નહીં શકો. આ ઉપરાંત કોશિશ કરવાથી કયારેય ડરવું ન જોઇએ. કોશિશથી સુંદર કોઇ વસ્તુ હોતી નથી. બધો જ તણાવ ચિંતાઓ અને ચીડ એક જ વસ્તુ કરવાથી દૂર થઇ જશે. હું રોજ સવારે ઊઠીને એ જ કરું છું.