ગણેશ ચતુર્થી સ્પેશ્યિલ / ગણેશજીને ધરાવી લો આ સ્પેશ્યલ બૂંદીના લાડુનો ભોગ, મળશે શુભફળ

ભગવાન ગણેશજીને ખુશ કરવા માટે તમે ઘરે જ બૂંદીના મોદક બનાવી લો તે સારું રહેશે. આ પ્રસાદ ખૂબ જ સરળ રીતે બની જાય છે અને સાથે તે ગણેશજીને પણ ખૂબ પ્રિય છે. તેને માટે તમે ઘરની જ ચીજોનો ઉપયોગ કરી શકો છો. ફટાફટ બની જતો આ પ્રસાદ નાના મોટા સૌને પ્રિય હોય છે. 

બૂંદી લાડુ

સામગ્રી

• 1 કપ મોળી બૂંદી
• 11/2 કપ માવો
• 1 કપ દળેલી ખાંડ
• 1/2 કપ દૂધ
• બદામ જરૂર મુજબ

રીત

જ્યારે પણ તમે માવો લાવો ત્યારે તે માવાને પહેલાં તો હાથ વડે સારી રીતે મસળી લો. હવે કઢાઈમાં માવો નાંખીને 5 મિનિટ સુધી ધીમા તાપ પર તેને શેકી લો. હવે તેમાં ખાંડ નાખીને સારી રીતે મિક્સ કરો. બૂંદી નાંખો તેમજ વારેઘડીએ દૂધની છાલક મારતા રહો. જ્યારે એકરસ થઈ જાય ત્યારે તાપ પરથી ઉતારી ઠંડુ થવા દો. થોડુંક ઠંડુ થાય એટલે તેના ગોળ-ગોળ મોદક બનાવો. તૈયાર છે સ્વાદિષ્ટ બૂંદી લાડુ. તેના પર બદામના ટુકડા લગાવીને ગાર્નિશ કરો. ત્યાર બાદ ગણપતિ દાદાને ભોગ લગાવો.

જો તમારી પાસે મોળી બૂંદી ન હોય તો તમે ઘરે જ બેસનનું ખીરું તૈયાર કરીને ઝારાની મદદથી ઝીણી બૂંદી બનાવી શકો છો. આ બૂંદી ખૂબ જ ઝડપથી તૈયાર થઈ જાય છે.