આજકાલ બાળકો ઘરે રહેતા હોવાના કારણે નાસ્તાની ડિમાન્ડ વધારે રહે છે. તમે પણ નાસ્તા માટે બેસનની લસણિયા સેવ બનાવી લેશો તો રાહત મળશે.
ઘરે જ બનાવી લો નાસ્તો
બેસનની લસણિયા સેવ કરશે કમાલ
સ્વાદ સાથે નાસ્તામાં પણ રહેશે બેસ્ટ
લસણિયા સેવ
સામગ્રી
2 બાઉલ ચણાનો લોટ
5 ચમચી લસણની પેસ્ટ
5 ચમચી લાલ મરચું
2 ચમચી અજમો
2 નાની વાડકી તેલ
2 ચમચી હિંગ
મીઠું સ્વાદ અનુસાર
પાણી લોટ બાંધવા માટે
તળવા માટે તેલ
રીત
સૌપ્રથમ એક બાઉલમાં ચણાનો લોટ લો. હવે તેમાં લસણની પેસ્ટ, (ઘરે બનાવેલી હોય તો તે અથવા બહારની પણ ચાલે) સ્વાદ અનુસાર મીઠું, અજમો, હિંગ, થોડુ તેલ અને પાણી ઉમેરીને સેવ માટેનો લોટ તૈયાર કરો. હવે સેવના સંચાને ખોલો અને તેને તેલથી ગ્રીસ કરી લો. તેમાં થોડું થોડું બેટર ભરો. હવે એક કઢાઈમાં તેલ ગરમ કરવા મૂકવું અને પછી તેમાં સંચો ફેરવતા જઈને સેવો પાડવી. હવે સેવને ગોલ્ડન બ્રાઉન થવા દો. પછી તેને એક સર્વિંગ પ્લેટમાં લેવી. તૈયાર છે લસણીયા સેવ. આ સેવને બાળકો અને મોટેરાંઓ પણ નાસ્તામાં હોંશે હોંશે ખાય છે.
નોંધ - તમે અહીં તમારી પસંદ અનુસાર સેવને જાડી કે પાતળી રાખવા માટે તેની જાળીને પસંદ કરી શકો છો.