An Apple A Day Keeps The Doctor Away. આ જ રીતે જો તે સાદું સફરજન ખાઈને કંટાળ્યા છો તો તમે તેને ટ્વિસ્ટ આપીને એક નવી ડિશ બનાવી શકો છો. આ ડિશ હેલ્ધી હોવાની સાથે તમને અલગ ટેસ્ટ પણ આપે છે. તો ટ્રાય કરી લો આ સફરજનની ખીર.
એપલ ખીર
સામગ્રી
એક લિટર દૂધ
અડધો કપ ચોખા
બે નંગ સફરજન
અડધો કપ ખાંડ
દસ પિસ્તાં સમારેલાં
પાંચ ખજૂર સમારેલી
ચપટી કેસર
બે લીલી એલચીનો ભૂકો
રીત
ચોખાને ધોઈને પહેલાં ૨-૩ કલાક પલાળી રાખો. પછી મિકસીમાં બારીક પીસી લો. એમાં અડધો કપ પાણી નાંખી તેને એકબાજુ મૂકી રાખો. દૂધ ઉકાળી એમાં ખાંડ અને ચોખા નાખો. તે ઘટ્ટ થાય ત્યાં સુધી હલાવતાં રહો જેથી ચોંટે નહીં. હવે તેમાં એલચી અને કેસર નાંખો. એને થોડું ઠુંડુ થવા દો. પછી તેમાં સફરજનને છોલ્યા વગર છીણીને ભેળવી દો. એમાં ખજૂરના ટુકડા પણ નાંખો. કાચના બાઉલમાં કાઢી ઉપર પિસ્તાં, કેસરથી સજાવીને ફ્રિઝમાં ઠંડી કરો. ઠંડી ઠંડી ખીર મહેમાનોને સજાવીને પીરસો. પીરસતી વખતે ઉપર સફરજનના ટુકડાથી સજાવટ કરો.