માત્ર 900 રૂપિયામાં કરો હવાઇ સફર આ કંપનીઓ આપી રહી છે મોકો

હવાઇ કંપનીઓએ એક મોઘા ટિકિટથી છુટકારો આપવા માટે એક સેલ ઓફર શરૂ કરી છે. દેશની બે હવાઇ કંપનીઓ મુસાફરોને સસ્તી ટિકિટ લેવાનો મોકો આપી રહી છે. આ ઉપરાંત મુસાફરોને 20 ટકા કેશબેક પણ મળશે.

માત્ર રૂ.899માં ટિકિટ:

લો કૉસ્ટ એરલાઇન કંપની ઈન્ડિગો અને વિસ્તારાએ રૂ.899ના પ્રારંભિક ભાડામાં સેલ રાખ્યો છે. ઈન્ડિગો આંતરરાષ્ટ્રીય ફ્લાઇટ્સ માટે પણ રૂ. 3399માં ટિકિટ ઓફર કરી રહી છે. ઇન્ડિગોનો સેલ સોમવારથી ચાલુ થઇ ગયો છે. જે 13 ફેબ્રુઆરી સુધી ચાલશે. જેમાં મુસાફરો 26 ફેબ્રુઆરીથી 28 સપ્ટેમ્બર સુધી બુક કરાવેલ ટિકિટ પર મુસાફરી કરી શકે છે.

વિસ્તારાનો વેલેન્ટાઇન-ડે સેલ:

વિસ્તારાનો સેલ આજે શરૂ થયો છે. આ સેલ પણ 13 ફેબ્રુઆરી સુધી ચાલુ રહેશે. મુસાફરો આ બુક કરાવેલ ટિકિટ પર 27 ફેબ્રુઆરીથી 18 સપ્ટેમ્બરે સુધી મુસાફરી કરી શકશે.

20 ટકા મળશે કેશબેક:

ઈન્ડિગો દ્વારા શરૂ કરાયેલી સ્કીમ હેઠળ ગ્રાહકોને અમેરિકન એક્સપ્રેસ કાર્ડ દ્વારા ચુકવણી પર 20 ટકા સુધી કેશબેક આપવામાં આવે છે. જ્યારે આરબીએલ બેંકના ડેબિટ કે ક્રેડિટ કાર્ડ દ્રારા ચુકવણી પર 15 ટકા કેશબેક ઉપલબ્ધ છે. જ્યારે ગ્રાહકોને ડીબીએસ કે ડીજી બેંક ડેબિટ કાર્ડ દ્વારા ચુકવણી પર 10% કેશબેક આપવામાં આવી રહ્યું છે.