રેસિપી / ઘરે બનાવેલી આલુ સેવનો સ્વાદ રહેશે દાઢમાં, નહીં કરવો પડે વધારે ખર્ચ

સામગ્રી

250 ગ્રામ બટાકા
ચણાનો લોટ
પા ચમચી મરી પાવડર
મીઠું સ્વાદ અનુસાર
ચાટ મસાલો
તળવા માટે તેલ

રીત

સૌ પહેલાં બટાકાને બાફી લો. છાલ કાઢીને તેને ખમણીથી છીણી લો. હવે તેમાં ચણાનો લોટ ઉમેરો અને તેને મસળતા રહો. ઢીલો લોટ બંધાય તેટલું બેસન લો અને પછી મીઠું અને તીખાશ માટે સફેદ મરીનો પાવડર મિક્સ કરો. 

એક કડાઈ લો. તેમાં તેલ ગરમ કરવા મૂકો. તેલ ગરમ થાય ત્યારપછી તેમાં ડાયરેક્ટ સેવ પાડો. તળતી સમયે ગેસ ધીમો રાખો. તેલ ઠંડું ન પડે તેનું ધ્યાન રાખો. તળાઈ જાય એટલે તેને બહાર કાઢી લો અને સેવ ગરમ હોય ત્યાં સુધીમાં તેની પર ચાટ મસાલો અને મરીનો પાવડર ભભરાવી લો. 

ગરમાગરમ ટેસ્ટી નાસ્તા માટે આલુ સેવ તૈયાર થઈ જશે.