કરો ટ્રાય / આ નેચરલ રીતે ઘરે જ બનાવો 7 ઓર્ગેનિક ફૂડ કલર્સ, હેલ્થ માટે છે સેફ

પિંક અને રેડ
પિંક અને રેડ કલરને માટે બીટ બેસ્ટ ઓપ્શન છે. તેમાં કોઇ ટેસ્ટ હોતો નથી. તેનું પ્રમાણ વધારે કે ઓછું કરીને લાલ કે ગુલાબી રંગ મેળવી શકાય છે. બીટને બાફીને કે કાચું જ રસ કાઢીને વાપરી શકાય છે. તેની રંગીન પૂરી અને મિઠાઇઓ પણ બનાવી શકાય છે. દાડમનો પ્રયોગ પણ લાલ અને પિંક કલરને માટે કરી શકાય છે. તેનાથી એક અલગ જ ફ્રૂટી ફ્લેવર પણ મળે છે. તેને તમે આઇસ્ક્રીમ, કસ્ટર્ડ કે પુડિંગમાં વાપરી શકો છો.

ઓરેન્જ
ગાજરને બાફીને ઓરેન્જ કલર બનાવી શકાય છે. ઓરેન્જથી પણ ઓરેન્જ કલર બની શકે છે. તેનો કલર લાઇટ હોય છે. ગાજરમાં નેચરલી મિઠાશ હોય છે અને તેને ખીર કે સ્મૂધી બનાવવામાં વાપરી શકાય છે. 

યલો
હળદર અને કેસર બંનેને તમે યલો કલરને માટે ઉપયોગમાં લઇ શકો છો. ટેસ્ટ પ્રમાણે તમે તેનું પ્રમાણ વધારે ઓછું કરી શકો છો. તમે તેને ઇચ્છા પ્રમાણે ખીર કે ગળ્યા ભાતમાં વાપરી શકો છો. તેને ઇડલીને કલરફૂલ બનાવવામાં પણ વાપરી શકાય છે. કેસરને 10 મિનિટ પાણીમાં પલાળીને રાખ્યા બાદ ફૂડ આઇટમ્સમાં રાખો અને ડિશ તૈયાર કરી લો.

ગ્રીન
પાલકમાં પોતાની કોઇ ફ્લેવર હોતી નથી. તેને સરળતાથી કોઇપણ ડિશમાં મિક્સ કરી શકાય છે. પાલકને પાણી સાથે પેસ્ટ બનાવીને લોટમાં મિક્સ કરી શકાય છે. તેના પરાઠા, ગ્રીન પૂરી કે ગ્રીન રાઇસ બનાવી શકાય છે. ઇડલી અને મઠરીને પણ આ રીતે કલર આપી શકાય છે. 

બ્લૂ અને પર્પલ
પર્પલ કોબીજ આ સમયે બંને કલરને માટે બેસ્ટ છે. ખાવાના સોડાની સાથે તેને બાફી લેવાથી બ્લૂ કલર અને પાણી સાથે બાફીને પર્પલ કલર બનાવી શકાય છે. પર્પલ કલરની મિઠાઇને માટે પર્પલ કોબીજના કલરનો ઉપયોગ કરી શકાય છે. 

બ્રાઉન
ચોકલેટ પાવડરને મેંદામાં મિક્સ કરો અને તેને બેકરી આઇટમ્સ અને ચોચલેટ પુડિંગ બનાવવામાં વાપરી શકાય છે. કૉફી નાંખીને તેના અલગ બ્રાઉન શેડ્સ પણ મેળવી શકાય છે. તેનાથી તમે કેક, બ્રાઉની, કુકીઝ અને ચોકલેટ શેક પણ બનાવી શકો છો.