આતંકવાદીઓ હજુ પણ હયાત હોટલમાં છુપાયેલા હોઇ સુરક્ષા દળો અને આતંકવાદીઓ વચ્ચે ભીષણ અથડામણ ચાલુ
સોમાલિયાની રાજધાની મોગાદિશુની જાણીતી હોટલ પર મોડી રાત્રે આતંકી હુમલો
બોમ્બ વિસ્ફોટ દ્વારા હુમલો થતાં 5 થી વધુ લોકોના મોતની આશંકા
આતંકી હુમલામાં 9 લોકો ગંભીર રીતે ઘાયલ થતાં હોસ્પિટલ ખસેડાયા
અલ-કાયદા સાથે જોડાયેલા અલ-શબાબ જૂથે સોમાલિયા હુમલાની જવાબદારી સ્વીકારી
સોમાલિયાની રાજધાની મોગાદિશુની એક જાણીતી હોટલ પર મોડી રાત્રે થયેલા આતંકી હુમલાથી આખું શહેરમાં હડકંપ મચી ગયો છે. વિગતો મુજબ સશસ્ત્ર હુમલાખોરોએ કાર બોમ્બ વિસ્ફોટ દ્વારા હુમલો કર્યો હતો. જેમાં 5 થી વધુ લોકોના મોતની આશંકા છે. આ સાથે આતંકી હુમલામાં 9 લોકો ગંભીર રીતે ઘાયલ થયા છે. જેને લઈ તમામને હોસ્પિટલમાં દાખલ કરવામાં આવ્યા છે. આ તરફ આતંકવાદીઓ હજુ પણ હયાત હોટલમાં છુપાયેલા છે. સુરક્ષા દળો અને આતંકવાદીઓ વચ્ચે ભીષણ અથડામણ ચાલુ છે. આંતરરાષ્ટ્રીય આતંકવાદી સંગઠન અલ-કાયદા સાથે જોડાયેલા અલ-શબાબ જૂથે સોમાલિયા હુમલાની જવાબદારી સ્વીકારી છે.
સોમાલિયાની રાજધાની મોગાદિશુની હોટેલ હયાતમાં હુમલાખોરોએ બે કારમાં બોમ્બ વિસ્ફોટ કર્યો અને ગોળીબાર પણ કર્યો. જેમાં બે કાર બોમ્બમાં એક કાર હોટલની નજીકના અવરોધ સાથે અથડાઈ અને બીજી હોટલના ગેટ સાથે અથડાઈ. બંને કારમાં જોરદાર વિસ્ફોટના અવાજથી લોકોમાં ગભરાટ ફેલાઈ ગયો હતો. હુમલાખોરોએ અંધાધૂંધ ગોળીબાર કર્યો હતો જેમાં અનેક જાનહાનિના અહેવાલ છે. હોટલની અંદર અનેક વિસ્ફોટોના અવાજ પણ સંભળાયા હતા.
#UPDATE | Somalia: Nine wounded people taken to hospital from Hayat Hotel, in Mogadishu, which was attacked by unidentified armed attackers followed by two car bomb blasts & gunfire. Al-Qaeda-linked Al-Shabaab group has claimed responsibility for the attack, reported Reuters https://t.co/RYm0zhq6Kl
સમાચાર એજન્સી દ્વારા પ્રાપ્ત માહિતી અનુસાર, સુરક્ષા અધિકારી અબ્દુકાદિર હસને કહ્યું કે હયાત હોટલ પર હુમલા બાદ સુરક્ષા દળો અને આતંકવાદી જૂથના આતંકવાદીઓ વચ્ચે ભીષણ અથડામણ શરૂ થઈ ગઈ છે. આતંકીઓ હજુ પણ હોટલની અંદર છુપાયેલા છે. અલ-કાયદા સાથે જોડાયેલા જેહાદી જૂથ અલ-શબાબે હોટેલ હયાતમાં થયેલા હુમલાની જવાબદારી સ્વીકારી છે. તમને જણાવી દઈએ કે અલ-શબાબ લગભગ 15 વર્ષથી સોમાલિયાની કેન્દ્ર સરકાર વિરુદ્ધ ઘાતક વિદ્રોહ ચલાવી રહ્યું છે.
નોંધનિય છે કે, સોમાલિયા સરકાર વિરુદ્ધ લાંબા સમયથી યુદ્ધ લડી રહેલા આ આતંકવાદી સંગઠનનો આ પહેલો હુમલો નથી. અલ શબાબે ભૂતકાળમાં મોગાદિશુ શહેરમાં અનેક ભયાનક વિસ્ફોટો કર્યા છે. આતંકવાદી સંગઠન અલ-શબાબની સ્થાપના 2006માં થઈ હતી. તે સમયે મોગાદિશુ શહેર યુનિયન ઓફ ઇસ્લામિક કોર્ટના નિયંત્રણ હેઠળ હતું, જે શરિયા અદાલતોની સંસ્થા છે. તેના વડા શરીફ શેખ અહમદ હતા. આ સંગઠનને 2006માં ઇથોપિયન સેનાએ પરાસ્ત કર્યું અને અલ-શબાબનો જન્મ થયો.અલ-શબાબ એ યુનિયન ઓફ ઇસ્લામિક કોર્ટની કટ્ટરપંથી શાખા છે.