દુનિયાના કોરોનાના કહેરથી બચાવવા માટે વૈજ્ઞાનિકો રાત દિવસ વેક્સીન પર કામ કરી રહ્યાં છે. આવું પહેલીવાર થશે કે કોઈ ઈન્ફેક્શનને લઈને વૈજ્ઞાનિકો આટલી ઝડપથી કામ કરી રહ્યાં છે. હાલની સ્થિતિમાં જે વેક્સીન કેન્ડિડેટ્સને પ્રભાવશાળી અને સુરક્ષિત હોવાનું કહેવામાં આવી રહ્યું છે, તેને લઈને પણ ડ્રગ કંપનીઓ અને ડોક્ટરો ચેતવણી આપી રહ્યાં છે.
તેમના મુજબ કોઈ હ્યૂમનને વેક્સીનેટ કરવું જોખમભર્યું કામ છે.
કોરોનાની વેક્સીન લગાવતા પહેલાં આટલું જાણી લો
કોરોનાની વેક્સીન લગાવ્યા બાદ થઈ શકે છે આ 5 આડઅસર
ડોક્ટર્સ આપી રહ્યાં છે ચેતવણી
કોરોનાની વેક્સીન લગાવ્યા બાદ ખતરનાક એલર્જી અને સાઈડ ઈફેક્ટ્સનો ખતરો વધી શકે છે. ઘણી લીડિંગ વેક્સીન ટ્રાયલ સાથે વોલેન્ટિયર્સ તરીકે જોડાયેલા કેટલાક લોકોમાં આવા સાઈડ ઈફેક્ટ્સ જોવા મળ્યા છે. આ વેક્સીનેશન પ્રોગ્રામને સફળ બનાવવા માટે તેની ખામીઓ પર ધ્યાન આપવું પડશે અને તેની સામે ટકી રહેવા તૈયાર રહેવું પડશે.
વેક્સીનની આ આડઅસરોથી ડોક્ટર્સ ચિંતામાં
તાવ અથવા ઠંડી લાગવી
વેક્સીન લગાવ્યા બાદ એક વોલન્ટિયરમાં તાવ અને બહુ વધારે ઠંડી લાગવાની સમસ્યા સામે આવી હતી. વેક્સીન લગાવ્યાના થોડા કલાક બાદ જ આ શખ્સને 102 ડિગ્રી તાવ આવ્યો હતો. વેક્સીન ઉત્પાદક કંપનીઓએ આ બે આડઅસરો પર ધ્યાન આપવું પડશે. જોકે, જ્યારે શરીર એન્ટીબોડી બનાવે છે ત્યારે હળવો કે તેજ તાવ આવી શકે છે.
માથાનો દુખાવો
વેક્સીન લગાવ્યા બાદ તીવ્ર માથાના દુખાવાની સમસ્યા થઈ શકે છે. સાથે જ તણાવ, ચિડિયાપણું અને મૂડ સ્વિંગ જેવી પરેશાનીઓ પણ થઈ શકે છે. કોઈપણ ઈન્ફેક્શનમાં વેક્સીન લગાવ્યા બાદ 50 ટકા દર્દીઓને આ સમસ્યા થાય છે.
ઊલટી અથવા ગભરામણ
વેક્સીનની અસર વ્યક્તિના ગેસ્ટ્રોઈન્ટેસ્ટાઈન સિસ્ટમ પર પડી શકે છે. એક વોલન્ટિયરને મેમાં મોડર્નાની હાઈ ડોઝ આપવામાં આવી હતી, જે બાદ કલાકો સુધી તેની તબિયત ખરાબ રહી હતી. આ દરમિયાન વોલન્ટિયરને ઊલટી, ગભરામણ અને પેટમાં દર્દ જેવી લક્ષણ દેખાયા હતા.
માસપેશીઓમાં દર્દ
જે જગ્યાએ દર્દીઓને વેક્સીન માટે ઈન્જેક્શન આપવામાં આવે છે ત્યાં માસપેશીઓમાં દુખાવો અને સોજો રહે છે. ઈમ્યૂનની પ્રતિક્રિયા પર જે તે ભાગમાં રેડનેસ અને રેસિઝની સમસ્યા પણ થઈ શકે છે. મોડર્ના, ફાઈઝર અને ઓક્સફોર્ડ એસ્ટ્રેજેનેકા આ ત્રણેય વેક્સીનમાં આ પ્રકારના સાઈડ ઈફેક્સ જોવા મળ્યા છે.
માઈગ્રેન
રિપોર્ટ મુજબ ફાઈઝનના વેક્સીન ટ્રાયલ બાદ એક વોલન્ટિયરને માઈગ્રેનનો તેજ દર્દ જોવા મળ્યો હતો. જેથી તેણે અન્ય લોકોને કહ્યયું હતું કે વેક્સીનના એક દિવસ પહેલાં રજા લઈ લે અને ખૂબ આરામ કરે. આ વેક્સીન માઈગ્રેનને ટ્રિગર કરી શકે છે.