તપાસ / હવે ખાવાનું તેલ પણ નકલી ? સાબરકાંઠામાં ફૂડ વિભાગની મોટી કાર્યવાહીમાં લાખોની કિંમતનું નકલી તેલ ઝડપાયું

• સાબરકાંઠામાં ફૂડ વિભાગની રેડ
• હિંમતનગરમાંથી શંકાસ્પદ તેલ ઝડપાયું
• 3 લાખથી વધુની કિંમતનું અખાદ્ય તેલ ઝડપાયું

સાબરકાંઠામાં ફૂડ વિભાગે દરોડા પાડી નકલી તેલનો જથ્થો ઝડપી પાડ્યો છે જેમાં  5 લીટર અખાદ્ય તેલ સહિત અખાદ્ય સામગ્રી પણ જપ્ત કરવામાં આવી છે. તહેવારોની સિઝન દરમિયાન વેપારીઓ દ્વારા નફો મેળવવા માટે મોટી માત્રામાં ભેળસેળ યુક્ત અખાદ્ય સમગ્રીનો ઉપયોગ કરવામાં આવતો હોય છે ત્યારે ફુડ વિભાગ દ્વારા મોટી કાર્યવાહી કરવામાં આવી હતી.

3 લાખથી વધુની કિંમતનું અખાદ્ય તેલ ઝડપાયું

ફુડ વિભાગે હિંમતનગરમાં વીરાવાડામાં મોતી બ્રાન્ડનો શંકાસ્પદ તેલનો જથ્થો ઝડપાયો હતો એટલું જ નહીં ફૂડ વિભાગ દ્વારા 3 લાખથી વધુની કિંમતનું અખાદ્ય તેલ જપ્ત કરાયું છે. જેમાં 5 લીટર અખાદ્ય તેલ સહિત અખાદ્ય સામગ્રી પણ જપ્ત કરવામાં આવી છે, મોતી બ્રાન્ડનો નકલી તેલનો જથ્થો મળી આવતા વેપારીઓમાં ફફડાટ વ્યાપી ગયો છે ત્યારે આ બ્રાન્ડનું તેલ ક્યાં ક્યાં વેચાતું હતું તે પણ એક સવાલ છે ?  

હિંમતનગરમાંથી શંકાસ્પદ તેલ ઝડપાયું

મહત્વનું છે કે ગ્રાહકોના આરોગ્ર સાથે ચેડા કરતા વેપારીઓને ત્યાં ફુડ વિભાગ દ્વારા રેડ પાડી નકલી તેલ અને અખાદ્ય સામગ્રનો જથ્થો કબ્જે કર્યો છે ત્યારે સવાલ એ છે કે આવા વેપારીઓ ગ્રાહકોના આરોગ્ય સાથે ચેડા કરતા હોય છે, વેપારીઓ કેટલા સમયથી આવી ચીજવસ્તુઓનું વેચાણ કરતા હશે તે પણ એક સલાલ છે  ગ્રાહકોના હિતને જોખમમાં મુકતા બે રોક ટોક નકલી તેલ અને ભેળસેળયુક્ત તેલનો ખાદ્ય સામગ્રી બનાવવામાં ઉપયોગમાં કરતા હોય છે. 

નકલી તેલ વેચનારાઓ સામે કડક કાર્યવાહી ક્યારે?

ફુડ વિભાગે રેડ પાડી અખાદ્ય તેલનો જથ્થો ઝડપી પાડ્યો છે ત્યારે અત્યાર સુધી કેટલું નકલી તેલ વેચાયું તે પણ તપાસનો એક વિષય છે હાલ તો ફુડ વિભાગે વેપારીઓ સામે તપાસ કાર્યવાહી હાથ ધરી છે ત્યારે ગ્રાહકોની આરોગ્ય સાથે ચેડકરતા વેપારીઓ સામે કડક કાર્યવાહી ક્યારે કરવામાં આવશે તે જોવાનું રહ્યું ?