નવસારી જિલ્લા પંચાયત હસ્તક આવતી 398 શાળાઓના 6 થી 8ના વિદ્યાર્થીઓના પગના માપ આપ્યા વગરના લાખો રૂપિયાના બુટનો ઓર્ડર આપીને મોટી મૂર્ખામી કરી છે
વિદ્યાર્થીઓના બુટમાં ભ્રષ્ટાચાર?
29 હજાર વિદ્યાર્થીના વગર માપે બુટ અપાયા
92.94 લાખના બુટ કામ ન આવ્યા
નવસારી જિલ્લા પંચાયતની મોટી લાપરવાહી સામે આવી છે. નવસારી જિલ્લા પંચાયત દ્વારા ધોરણ 6 થી 8ના વિદ્યાર્થીઓ માટે બુટની ખરીદી કરવામાં આવી હતી. પરંતુ જે બુટની ખરીદી કરવામાં આવી તે બુટ માપ વગર ખરીદવામાં આવ્યા હોવાથી વિદ્યાર્થીઓને વગર માપે બુટ આપી દેવાતા વિદ્યાર્થીઓને બુટ કામમાં ન આવ્યા. 92.94 લાખ રૂપિયાના ખર્ચે બુટની ખરીદી કરવામાં આવી હતી. 29 હજાર વિદ્યાર્થીઓને બુટ આપવામાં આવ્યા પણ તેમને કામ ન આવ્યા. જિલ્લા પંચાયત પ્રમુખ ભીખુ આહિરની ભલામણથી બુટ આપવાની યોજના બનાવી હતી. પરંતુ હવે સમગ્ર મામલે ભ્રષ્ટ્રાચાર થયો હોવાના આક્ષેપો થઇ રહ્યા છે.
બુટ પાછળ 92 લાખનો ખર્ચ ધૂળ બરાબર
કેદ્ર અને રાજ્ય સરકાર સરકારી શાળાઓમાં વિદ્યાર્થીના ગણવેશ ,પુસ્તકો તેમજ હાલના સમયની માંગ બનેલ બુટ પણ વિદ્યાર્થીઓને આપીને વિદ્યાર્થીઓને બાહ્ય રીતે પણ ટીપટોપ કરી રહી છે ત્યારે નવસારી જિલ્લા પંચાયતના સત્તાધીશો અને કર્મીઓને જોર પડતું હોય એવી કામગીરી કરી છે જિલ્લા પંચાયત ની 389 શાળાના 6 થી 8 ધોરણ ના વિદ્યાર્થીને બુટ તો આપ્યા છે પણ પગ ના માપ લીધા વગર બુટનું વિતરણ કરતા જિલ્લા પંચાયતની પોલ ખુલી ગઈ છે. આળસ કરવા ટેવાયેલું તંત્ર વિદ્યાર્થીના પગ નું માપ પણ લઈ શક્યું ન હતું.સમગ્ર બુટનું બજેટ 92 લાખ 94 હજાર જેટલું રાખવામાં આવ્યું છે. ત્યારે આટલી મોટી રકમ છતાં તકેદારી ન રખાતા જિલ્લા પંચાયતના અણઘડ વહીવટની ચોકસાઇ છતી થઈ છે.
વિદ્યાર્થીઓને બુટ મોટા પડે છે
વિદ્યાર્થી પગમાં બુટ પહેરે અને એક બે ડગલાં આગળ ચાલતા ની સાથે જ પગ માંથી બુટ નીકળીને બહાર આવે તો લાખો રૂપિયા ખર્ચેલા પાણીમાં ડૂબ્યા બરાબર કહી શકાય આટલી સમાજ નાનામાં નાના વ્યક્તિને પણ સમજાય પણ ગેરવહીવટ ધરાવતી જિલ્લા પંચાયતના કર્તાહર્તાને કેમ સમજાતી નથી એ મોટો સવાલ છે. ચલક ચલાણી પેલે ઘર ઘાણી જેવો ઘાટ અહીં જોવા મળી રહ્યો છે કર્મચારી ને માત્ર મહિનાના વેતન સાથે અને સત્તાધારીને વિતરણ કરવાના વટ સાથેનો સંબંધ હોય છે ત્યારે વિદ્યાર્થીના પગ ના માપ સાથે જો બેદરકારી સામે આવતી હોય તો આવી કેટલીક ગંભીર ભૂલો થતી હશે અને તેને મિલીભગત થી સાચવી લેવામાં આવતી હશે. એ બુટના આ લબાચા પરથી અનુમાન લગાવી શકાય છે.