ભયાનક દ્રશ્યો / VIDEO: આગના ગોળામાં ફેરવાઇ ગઈ 42 માળની ગગનચુંબી ઈમારત, વીડિયો જોઈને રૂંવાડા ઊભા થઈ જશે

• ચીનના ચાંગ્શા શહેરમાં મોટી દુર્ઘટના ઘટી
• 42 માળની ઈમારતમાં આગ ફાટી નિકળી
• મોટા ભાગના માળ પર આગ ફેલાઈ ગઈ

શુક્રવારે ચીનના ચાંગ્શા શહેરમાં એક ગગનચુંબી ઈમારતમાં ભીષણ આગ લાગી ગઈ હતી. સ્થાનિક મીડિયાના જણાવ્યા અનુસાર, જાનહાની કેટલી થઈ છે તેને લઈને કોઈ ચોક્કસ આંકડો સામે આવ્યો નથી. સ્ટેટ બ્રોડકાસ્ટ સીસીટીવીએ જણાવ્યું છે કે, ઘટનાસ્થળથી ધુમાડાના ગોટેગોટા નિકળી રહ્યા હતા અને કેટલાય ડઝન માળ સુધી ઈમારત ભડકે બળી રહી હતી. તેની સાથે જ જણાવ્યું હતું કે, ફાયર ફાયટર્સ અને આગ ઠારનાર ટીમ ઘટનાસ્થળે રાહત અને બચાવ કાર્ય કરી રહી છે.  

This afternoon, the building of China Telecom building in Changsha长沙caught fire, no casualties reported yet, stay safe everyone! 🙏 pic.twitter.com/QNnezk2Mxk

— China in Pictures (@tongbingxue) September 16, 2022

આ બિલ્ડીંગમાં હતી ટેલીકોમ કંપનીની ઓફિસ

રિપોર્ટમાં કહેવાયુ છે કે, આગે એક ઉંચી ઈમારતને બાળીને ખાક કરી નાખી હતી. આ બિલ્ડીંગમાં રાજ્યની માલિકીવાળી દૂરસંચાર કંપની ચાઈન ટેલીકોમનું ઓફિસ હતી. સીસીટીવી દ્વારા આવેલી એક તસ્વીરમાં શહેરમાં બનેલી ઈમારતની વચ્ચેથી આગની જ્વાળાએ ફેલાઈ રહી હતી, અને કાળો ધુમાડો આકાશમાં ફેલાઈ રહ્યો હતો. 

એક કરોડની વસ્તી છે શહેરની

હુનાનના ફાયર વિભાગનું કહેવુ છે કે, પ્રાથમિક તપાસમાં જાણવા મળ્યું છે કે, 42 માળની ઈમારતની બહાર દીવાલમા આગ લાગી ગઈ હતી. તેની સાથે હાલમાં આગ ઠારવાની પ્રક્રિયા ચાલી રહી છે. અને કોઈ જાનહાની થઈ નથી. આપને જણાવી દઈએ કે, હુનાન પ્રાંતની રાજધાની ચાંગ્શાની વસ્તી એક કરોડની છે. 

36 ફાયર ટ્રક અને 280 ફાયર ફાઈટર્સ

મીડિયા રિપોર્ટ્સ અનુસાર, આગ પર કાબૂ મેળવવા માટે 36 ફાયર વિભાગની ગાડીઓ અને 280 ફાયરકર્મી ઘટનાસ્થળ પર તૈનાત છે. એક સ્થાનિક સમાચાર અનુસાર, સોશિયલ મીડિયા પર પોસ્ટ કરવામાં આવેલા વીડિયોમાં એવું પણ દેખાય છે કે, ટાવરની બહારનો આખો ભાગ બળીને ખાક થઈ જતાં કાળો થઈ ગયો છે.