આગ / સુરતના ભવાની સર્કલ પાસે ભીષણ આગ લાગતા દોડધામ, આકાશમાં ધૂમાડાના ગોટેગોટા છવાયા

• સુરતના કારખાનામાં આગની ઘટના
• ફાયર બ્રિગેડની ગાડીઓ પહોંચી ઘટના સ્થળે
• કોઇ જાનહાનીના અહેવાલ નહીં

પ્રાપ્ત થતી જાણકારી પ્રમાણે, સુરતના ભવાની સર્કલ પાસે આવેલા શ્રી લબ્ધી પ્રિન્ટ નામના કારખાનામા એકાએક ભીષણ આગ લાગતા અફરાતફરીનો માહોલ જોવા મળ્યો હતો. જો કે, બનાવ અંગેની જાણ થતાં જ ફાયર વિભાગની 8 ગાડીએ તાત્કાલિક અસરથી ઘટના સ્થળે આવી પહોંચી હતી અને પાણીનો સતત મારો ચલાવ્યો હતો.

કોઇ જાનહાનીના અહેવાલ નહીં

કાપડનું કારખાનું હોવાથી આગે જોતજોતામાં વિકરાળ સ્વરૂપ ધારણ કરી લેતા કારખાનામાં રહેલા માલને નુકસાન પહોંચ્યું હતું. જો કે, આગ કયા કારણોસર લાગી તે સ્પષ્ટ રીતે જાણી શકાયું નથી. આગની આ ઘટનામાં કોઈ જાનહાનીના અહેવાલો પ્રાપ્ત થયાં નથી.

એક કર્મચારી ઘાયલ

આગ ઉપર કાબૂ મળવવાની કામગીરી દરમિયાન ફાયર વિભાગનો એક કર્મચારી ગંભીર રીતે ઘાયલ થતાં તેમને  સારવાર અર્થે નજીકની હોસ્પિટલ ખસેડવામાં આવ્યા હતા. જો કે, કારખાનામાં કામ કરતા 125થી વધારે કર્મચારીઓને બચાવી લેવાયા છે.

ૉ