હાશ ભરતી થશે / નવી સરકાર બદલાયા બાદ સૌથી મોટા સમાચાર, ગુજરાતમાં આખેઆખી તલાટીની ભરતી નવેસરથી કરાશે

• 15 હજાર ભરતીના એલાન બાદ જૂની ભરતી અંગે લેવાયો નિર્ણય
• નવેસરથી થશે તલાટી ભરતીની પ્રક્રિયા
• ઉમેદવારોની પહેલાની ફી અપાશે પરત

ગુજરાતમાં મંત્રી મંડળમાં ફેરફાર પછી ધીમે ધીમે તમામ ખાતાઓ એક્ટિવ થઈ રહ્યા હોય એવું લાગી રહ્યું છે. મંત્રીઓ પોતે અંગત રસ લઈને કામ પર ભાર મૂકી રહ્યા છે. ગુજરાત વિધાનસભાની ચૂંટણીમાં નજીક આવી રહી છે અને ગુજરાતમાં બેરોજગારી સૌથી મોટો મુદ્દો હોઇ શકે ત્યારે સીએમ ભૂપેન્દ્ર પટેલની સરકાર બનતા જ મંત્રીઑ રોજગારી બાબતે મોટા નિર્ણય કરી રહ્યા છે. નજીકના ભવિષ્યમાં ગુજરાતના વિદ્યાર્થીઓ માટે બમ્પર ભરતી આવશે એ નક્કી છે કારણ કે આજે જ મંત્રી બ્રિજેશ મેરજા દ્વારા જાહેરાત કરવામાં આવી છે કે પંચાયત વિભાગની જુદી જુદી 7 સેવાઓ માટે આગામી સમયમાં 15000ની ભરતી કરવામાં આવશે.ભરતી બાદ કોરોનાના કારણે અગાઉની રદ્દ થયેલી તલાટી ભરતીના ઉમેદવારોની ફિ બાબતે પણ નિર્ણય લેવાઈ ચૂક્યો છે. 27 સપ્ટેમ્બરથી 9 ઓક્ટોબર તમામ ઉમેદવારોને સરકાર ફી પરત કરશે. અને નવી જગ્યાઓ માટે ફરીથી ફોર્મ ભરાવવામાં આવશે.

વર્ષ 2018-19ની તલાટીની ભરતી પ્રક્રિયા ફરીથી કરવાનો નિર્ણય
આજે જ ભૂપેન્દ્ર સરકારના મંત્રી બ્રિજેશ મેરાજા દ્વારા પંચાયત વિભાગમાં મોટા પાયે ભરતી કરવાનું એલાન કરી દીધૂ છે. ત્યારે વર્ષ 2018-19ની તલાટીની ભરતી પ્રક્રિયા ફરીથી કરવાનો નિર્ણય પણ લેવામાં આવ્યો છે. તલાટીની આખી ભરતી પ્રક્રિયા નવેસરથી કરવામાં આવશે તેવી જાહેરાત પંચાયત વિભાગ દ્વારા કરી દેવામાં આવી છે. આનો મતલબ એ થાય છે કે  
વર્ષ 2018-19ની તલાટીની ભરતી પ્રક્રિયા રદ ગણવામાં આવશે.2018-19મા ભરતી માટે ભરાયેલ ફોર્મમાં ફી પરત કરાશે. જે માટે સમયગાળો પણ નક્કી કરી દેવામાં આવ્યો છે. 27 સપ્ટેમ્બરથી 9 ઓક્ટોબર દરમિયાન ફી પરત કરવામાં આવશે. ઉમેદવારે જે જીલ્લા પંચાયતમાં અરજી કરી હોશે તે જીલ્લા પંચાયતમાંથી ફી પરત મળશે. પણ ઉમેદવાર પાસેથી ફી પર મળી હોવાની પહોંચ મેળવવાની રહેશે. 

7 સેવાઓ માટે 15 હજાર જગાઓ ભરવામાં આવશે
મંત્રી બ્રિજેશ મેરજાએ  જાહેરાત કરી હતી કે આગામી સમયમાં 7 સેવાઓ માટે 15 હજાર જગાઓ ભરવામાં આવશે. અને પંચાયત વિભાગ હસ્તકના વિભાગમાં ભરતી કરાશે. જે અંતર્ગત કુલ 16400 જગ્યા ખાલી પડી છે જેમાં 15000 ભરતી કરવામાં આવશે. 

બેઠક બાદ જાહેરાત 
DDO સાથેની બેઠકમાં મંત્રી બ્રિજેશ મેરજા દ્વારા મહત્વની જાહેરાત કરવામાં આવી હતી. તેમણે કહ્યું હતુ કે પંચાયત હસ્તક વિભાગમાં 15 હજાર જગ્યામાં ભરતી કરાશે. હાલમાં 16,400 જેટલી જગ્યાઓ ખાલી પડેલી છે. જેના કારણે સ્વાભાવિક રિતે જ વ્યવસ્થાપનમાં પણ તકલીફો પડી રહી છે. ગુજરાત સહિત દેશમાં બેરોજગારીનું પ્રમાણ વધી રહ્યું છે પરંતુ સામે એવી ઘણી જગ્યા છે કે જ્યાં ભરતી કરવાની બાકી હોવા છતાં સરકાર દ્વારા ભરતી કરવાની બાકી હોવાથી યુવાનો નોકરી મેળવી શકતા નથી પરંતુ આઅ જાહેરાતથી એવા ઘણા યુવાનોને ફાયદો થશે એવી સંભાવના છે.